ސްރީލަންކާގެ ކޮމިއުނިޓީ އެމްޕަވަރންމަންޓް މިނިސްޓަރ އަވަހާރަވެއްޖެ

ސްރީލަންކާގެ މިނިސްޓަރ އޮފް ކޮމިއުނިޓީ އެމްޕަވަރންމަންޓް އެންޑް އެސްޓޭޓް އިންފްރަސްޓްރަކްޗަރ ޑެވެލޮޕްމެންޓް އަރުމުގަން ތޮންޑަމަން އަވަހާރަ ވެއްޖެ އެވެ.

ސިލޯން ވާރކާސް ކޮންގްރެސްގެ ލީޑަރު ކަންވެސް ކުރައްވަމުން ގެންދަވާ ސަވޫމިއަމޫރތީ އަރުމުގަމް ރަމަނަތަން ތޮންޑަމަން އަވަހަރަވީ ހިތުގެ ބައްޔަށް ފަރުވާ ހޯއްދަވަމުން ގެންދަވަނިކޮށް، ހާޓް އެޓޭކެއް ޖެހިގެން ކަމަށް ލަންކާ ނޫސްތަކުން ރިޕޯޓުކޮށްފައި ވެއެވެ. އަވަހާރަވީ ތަލަންގަމާ ބޭސް ހޮސްޕިޓަލުގައެވެ. އަވަހާރަވި އިރު އުމުރުފުޅަކީ 55 އަހަރެވެ.

ތޮންޑަމަންއަކީ ސިލޯން ވޯކާރސް ކޮންގްރެސްގެ ލީޑަރުގެ އިތުރުން، ލަންކާގެ ޓްރޭޑް ޔޫނިއަންގެ ފަރާތުން ލަންކާގެ ޤާނޫނު ހަދާ މަޖިލީހުގައި ނުއަރަލިޔާ ޑިސްޓްރިކްޓްގެ ތަމްސީލް ކުރައްވަނީ ވެސް އެމަނިކުފާނެވެ.

ތޮންޑަމަން އަވަހާރަވުމާއި ގުޅިގެން ސްރީލަންކާގެ ލަންކާގެ ގޮތަބަޔަ ރާޖަޕަކްސަ ކުރެއްވި ޓްވީޓެއްގައި ވިދާޅުވީ ތޮންޑަމަން އަވަހާރަވީ ޚަބަރު އެއްސެވީ ފުން ހިތާމައާއެކު ކަމަށެވެ. އަދި ތޮންޑަމަންއަކީ މުޖްތަމަޢު ތަރައްޤީކުރެއްވުމަށް އަހަމިއްޔަތުކަމެއް ދެއްވައިގެން އަގުހުރ ޚިދުމަތްތަކެއް ކޮށްދެއްވި ބޭފުޅެއް ކަމަށާއި، ދަނޑުވެރިންގެ ޙައްޤުގައިވެސް މަސައްކަތް ކުރެއްވި ބޭފުޅެއް ކަމަށެވެ.

ތޮންޑަމަން އަވަހާރަވުމާއި ގުޅިގެން ، ސްރީލަންކާގެ ރައީސް ވަނީ އެމަނިކުފާނުގެ ޢާއިލާއަށް ތަޢުޒިޔާއައި ހަމްދަރުދީގެ މެސެޖެއް ފޮނުއްވާފަ އެވެ.

ތޮންޑަމަން އުފަންވެވަޑައިގެންނެވީ މެއި 29، 1964 ގައެވެ. އަދި އެމަނިކުފާނަކީ މިނިސްޓަރ އޮފް ކޮމިއުނިޓީ އެމްޕަވަރމަންޓް އެންޑް އެސްޓޭޓް އިންފްރާސްޓްރަކްޗަރ ފެސިލިޓީސް ޑިވެލޮޕްމަންޓެވެ. މިނިސްޓަރުކަމުގެ ހުވާ ކުރައްވާ މަޤާމާއި ޙަވާލުވެ ވަޑައިގެންނެވީ މިދިޔަ އަހަރުގެ ނޮވެންބަރު މަހުގެ ތެރޭގައެވެ. އެމަނިކުފާނަކީ މަޝްހޫރު އެސްޓޭޓް ލެޖެންޑަރީ ލީޑަރު، ސައުމްޔަމޫރިތި ތޮންޑަމަންގެ ކާފަ ދަރިކަލުންނެވެ. ސިލޯން ވާރކާސް ކޮންގްރެސްގެ ލީޑަރުކަމާއި ތޮންޑަމަން ހަވާލުވެ ވަޑައިގެންނެވީ 1999 ވަނަ އަހަރު، އެމަނިކުފާނުގެ ކާފާފުޅު އަދި ސިލޯން ވާރކާސް ކޮންގްރެސް އުފެއްދެވި ސައުމްޔަމޫރތީ ތޮންޑަމަން އަވަހާރަވުމާއި ގުޅިގެންނެވެ.

ތޮންޑަމަން ފަސްދާނުލެއްވުމަށް ހަމަޖެހިފައިވަނީ އާދީއްތަ ދުވަހު ނޫރވުޑް ސްޓޭޑިއަމްގަ އެވެ. ތޮންޑަމަން އަވަހާރަވީ އިރު ތިން ބޭފުޅުން ދުނިޔޭގެ އެބަތިއްބެވެ.

ވެރިރަށް ކޮލޮމްބޯގެ ރޯޔަލް ކޮލެޖުން އިބްތިދާއީ، އަދި ޘާނަވީ ތަޢުލީމު ޙާޞިލު ކުރެއްވި ތޮންޑަމަން ޤާނޫނު ހަދާ މަޖިލީހަށް ހޮވިވަޑައިގެންނެވީ އުމުރުފުޅުން 35 އަހަރުގައި ޔުނައިޓެޑް ނެޝަނަލް ޕާޓީގެ ފަރާތުން ނުއަރަލިޔާ ޑިސްޓްރިކްޓުންނެވެ. މީގެ އިތުރުން ކެބިނެޓްގައި މަސައްކަތް ކުރެއްވުމަށްފަހު 2016 ވަނަ އަހަރު ސްރީލަންކަން ފްރީޑަމް ޕާޓީއާއި ގުޅިވަޑައިގެންނެވި އެވެ.

ލަންކާގެ "ފިއުނަރަލް ކޮމިޓީ" ން ވަނީ އެމަނިކުފާނުގެ ހަށިކޮޅު ބަތަރަމުއްލާގައި ހުންނަވާ އެމަނިކުފާނުގެ ގެ ކޮޅުގައި ބުދަ ދުވަހު ބާއްވަވަން ނިންމާފަ އެވެ. އަދި ބުރާސްފަތި ދުވަހު ޤާނޫނު ހަދާ މަޖިލީހުގައި ވެސް ވަކި އިރެއް ވަންދެން ބާއްވަވަން ނިންމާފައި ވެއެވެ. އަދި ބުރާސްފަތި ދުވަހު ކޮލޮމްބޯ 3 ގައި ހުންނަ ސިލޯން ވާރކާސް ކޮންގްރެސްގެ މައި މަރުކަޒަށް ގެންދިއުމަށް ވަނީ ނިންމާފަ އެވެ.

މީގެ އިތުރުން ހޮނިހިރު ދުވަހު، ރަމްބޯޑާގައި ހުންނަވާ އެމަނިކުފާނުގެ އަމިއްލަ ގެކޮޅަށް ހަށިކޮޅު ގެންދަވަން ވަނީ ނިންމާފަ އެވެ.

ސިލޯން ވާރކާސް ކޮންގްރެސްއިން ބުނީ ތޮންޑަމަންގެ ޖަނާޒާގެ ކަންކަން ކުރިއަށް ގެންދާނީ ޝަރަފުވެރިކަމާއެކު އާދީއްތަ ދުވަހު ކަމަށެވެ.