ޕެނަމާގެ ކުރީގެ ވެރިޔާ މެނުއެލް ނޮރިއެގާ އަވަހާރަވެއްޖެ
ނޮރިއެގާއަކީ 1983ން 1989 އަށް އެގައުމުގައި އަސްކަރީ ވެރިކަމެއް ކުރެއްވި ލީޑަރެއް
ނޮރިއެގާއަކީ 1983ން 1989 އަށް އެގައުމުގައި އަސްކަރީ ވެރިކަމެއް ކުރެއްވި ލީޑަރެއް
ޕެނަމާގެ ކުރީގެ ވެރިޔާ މެނުއެލް ނޮރިއެގާ އުމުރުފުޅުން 83 އަހަރު ފުޅުގައި އަވަހާރަވެއްޖެ ކަމަށް އެގައުމުގެ އޮފިޝަލަކު ވިދާޅުވެއްޖެއެވެ.
ނޮރިއެގާއަކީ 1983 އިން 1989 އަށް އެގައުމުގައި އަސްކަރީ ވެރިކަމެއް ކުރެއްވި ލީޑަރެކެވެ. އޭނާ މަގާމުން ދުރުކޮށްފަ އި ވަނީ އެމެރިކާއިން އެގައުމަށް އަރައެވެ.
މެނުއެލް ނޮރިއެގާ އަށް މާޗް މަހު ބްރެއިން ހެމަރޭޖެއް ޖެހިވަޑައިގަތް ފަހުން އޮންނެވީ ކޯމާއެއްގައެވެ.
ހެމަރޭޖް ޖެހިވަޑައިގަތީ ސިކުނޑީގެ ޓިއުމަރެއް ނެގުމަށް ކުރި އޮޕަރޭޝަނެއްގެ ތެރޭގައެވެ.
ނޮރިއެގާ ވަނީ އޭނާގެ ވެރިކަމުގައި ޕެނަމާއަކީ އެމެރިކާގެ އެސެޓަކަށް ހަދާފައެވެ.އެއާކު އެމެރިކާގެ މަސްލަހަތު ދިޔައީ ބޮޑުވަމުންނެވެ.
ކޮލަމްބިއާއާއި ގުޅިފައިވާ ފަގީރު އާއިލާއަކަށް ނިސްބަތްވާ ނޮރިއެެގާ އުފަންވެ ވަޑައިގެންނެވީ 1934 އަހަރުއެވެ. ސިފައިންގެ މީހެއްގެ ގޮތުގައި ކެރިއަރ ހޭދަކުރައްވާފައިވާ ނޮރިއެގާ ތަމްރީންތައް ހޯއްދަވާފައިވަނީ ޕެރޫއާއި އެމެރިކާއިންނެވެ.
އޭނާވަނީ 1967 ވަނަ އަހަރު ޕެނަމާގެ ނޭޝަނަލް ގާޑެއްގެ ގޮތުގައި ކޮމިޝަން ކޮށްފައެވެ. އޭގެ އިތުރުން 1968 ގައި ލެފްޓިނެންޓެއްގެ މަގާމަށް ޕްރޮމޯޓް ކޮށްފައެވެ.
