އިތުރު 77 މީހަކު ބަލިން ފަސޭހަވެ، ޖުމްލަ އަދަދު 232ށް
މީގެ ތެރޭގައި ގިނަ އަދަދެއްގެ ދިވެހިން ހިމެނޭ
ކޮވިޑް-19 އަށް ޓެސްޓު ކުރުމުގައި އެޗްޕީއޭގެ ޓީމަކުން ހަރަކާތްތެރިވަނީ
ރާއްޖެއިން ކޮވިޑް-19ށް ޕޮޒިޓިވްވި މީހުންގެ ތެރެއިން އިތުރު 77 މީހަކު ބަލިން ފަސޭހަވެއްޖެ އެވެ.
އެކަން ހާމަކޮށްފައިވަނީ ނެޝަނަލް އިމަރޖެންސީ އޮޮޕަރޭޝަން ސެންޓަރގައި ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާނު މުހައްމަދު މަބްރޫކް އަޒީޒް އެވެ.
މިއާއިއެކު ރާއްޖޭގައި ބަލިން ފަސޭހަވި މީހުންގެ އަދަދު ވަނީ 232ށް އަރާފައިއެވެ.
ރާއްޖޭގައި ބަލި ޖެހުނު މީހުން އާއްމު ގޮތެއްގައި 17 ދުވަހުން ބަލިން ފަސޭހަވެ އެވެ. ޗައިނާ އާއި ދުނިޔޭގެ ސިއްހަތު ޖަމިއްޔާއާ ގުޅިގެން ހަދާފައިވާ ދިރާސާއަކުން ދައްކާ ގޮތުން ކޮވިޑް-19 ޖެހޭ މީހުން ބަލިން ފަސޭހަވާން އެންމެ މަދުވެގެންވެސް ދެ ހަފްތާގެ މުއްދަތު ނަގަ އެވެ.
ބަލި ޖެހޭ މީހުންގެ އަންދާޒާކުރި ވަރަށްވުރެ ދަށްކަމަށް އެޗްޕީއޭއިން ވަނީ ބުނެފަ އެވެ.
