ކުޅުދުއްފުށީގައި ކުއްލި ގޮތަކަށް އުމުރުން ހަތަރު އަހަރުގެ ކުއްޖަކު ނިޔާވެއްޖެ
26 މެއި 2020 | އަންގާރަ 16:41ނިޔާވެފައިވަނީ އުމުރުން ހަތަރު އަހަރުގެ ކުއްޖެއް
ކުޅުއްދުއްފުށި ރީޖަނަލް ހޮސްޕިޓަލް: ހޮސްޕިޓަލަށް ގެންދިޔަ އުމުރުން ހަތަރު އަހަރުގެ ކުއްޖަކު ވަނީ ނިޔާވެފައި
ކުޅުދުއްފުށީ ސިޓީގައި އުމުރުން ހަތަރު އަހަރުގެ އަންހެން ކުއްޖަކު ކުއްލި ގޮތަކަށް ނިޔާވެއްޖެ އެވެ.
ކުޅުއްދުއްފުށި ރީޖަނަލް ހޮސްޕިޓަލުގެ މެނޭޖަރު އަހުމަދު ދާއޫދޫ ރާއްޖެ.އެމްވީ އަށް ވިދާޅުވީ، އެ ކުއްޖާ ހޮސްޕިޓަލަށް ގެންދިޔައީ ހަވީރު 16:30 ހާއިރު ކަމަށެވެ. ގެންދިޔައިރުވެސް ކުއްޖާ ނިޔާވެފައިވާ ކަމަށް އޭނާ ވިދާޅުވި އެވެ. ދާއޫދު ވިދާޅުވީ، ކުއްޖާ ނިޔާވާން ދިމާވި ސަބަބެއް އަދި މިހާތަނަށް އެނގިފައި ނުވާ ކަމަށެވެ.
ނަމަވެސް މިހާރު ޢަމަލު ކުރަމުންދާ އުޞޫލުގެ ދަށުން، ކޮވިޑް-19 އަށް ޓެސްޓު ކުރުމަށް އެ ކުއްޖާގެ ސާމްޕަލް ނަގައި އަންގާރަ ދުވަހުގެރޭ މާލެއަށް ފޮނުވަން ހަމަޖެހިފައިވާ ކަމަށް ދާއޫދު ވިދާޅުވި އެވެ.
