ރާއްޖެއިން އިތުރު 58 މީހަކު ކޮވިޑް-19 އަށް ޕޮޒިޓިވް ވެއްޖެ!
24 މެއި 2020 | އާދީއްތަ 18:43ޖުމްލަ 1371 މީހަކު ވަނީ ޕޮޒިޓިވް ވެފައި
ކޮވިޑަށް ޓެސްޓް ކުރުމުގެ މަރުހަލާގެ ތެރެއިން
ރާއްޖެ އިން އިތުރު 58 މީހަކު ކޮވިޑް-19 އަށް ޕޮޒިޓިވް ވެއްޖެ އެވެ.
ރާއްޖެ އިން އެންމެ ފަހުން ފެނުނު ކޭސްތަކުގެ ތެރޭގައި ގިނައީ ދިވެހިންނެވެ. އެންމެ ފަހުން ޕޮޒިޓިވްވީ އަދަދުތަކުގެ ތެރޭގައި ހިމެނެނީ 25 ދިވެހިންނާއި، 13 ބަންގްލަދޭޝް ރައްޔިތުން، 14 އިންޑިއާ ރައްޔިތުން އަދި ނޭޕާލުގެ 6 މީހަކެވެ.
ޓެގް ޓީމުން ރާއްޖެ އިން ކޭސް ފެންނަން އެކަށީގެންވާ އަދަދެއްގެ ގޮތުގައި ނުވަތަ ބޭސް ލައިނެއްގެ ގޮތުގައި ކަނޑައަޅާފައިވަނީ ދުވާލެއްގެ 30-50 ދެމެދުގެ އަދަދެކެވެ. އަދި މިއީ މާލޭގެ އާބާދީގެ ނިސްބަތުން ދަށް އަދަދެއް ކަމަށް ސިއްހީ މާހިރުން ވަނީ ހާމަކޮށްފަ އެވެ.
ކޭސްތަކުގެ އަދަދު އިތުރުވާނަމަ މިހާރު ދޭން ނިންމާފައިވާ ލުއިތައް މާލޭ ސަރަހައްދުން ފެނުމަކީ ނާދިރު ކަމެކެވެ. ކޮވިޑް-19 ފެތުރުނަ ނުދިނުމުގެ ގޮތުން އެޅި ފިޔަވަޅުތަކަށް ލުއެއް ދޭނީ މާލޭގައި ބަލި ފެތުރޭ މިންވަރު ކޮންޓްރޯލް ކުރެވިފައިވާ ކަމަށް ކަނޑައެޅުމުން ކަމަށް ސަރުކާރުން ވަނީ ތަކުރާރުކޮށް ބުނެފަ އެވެ.
