އިތުރު 18 މީހަކު ބަލިން ފަސޭހަވެ، ޖުމްލަ އަދަދު 127ށް އަރައިފި އެވެ.

ނޭޝަނަލް އިމަރޖެންސީ އޮޕަރޭޝަން ސެންޓަރުގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އެ ސެންޓަރުގެ ތަރުޖަމާން މަބްރޫކް އަޒީޒް ވިދާޅުވީ މިހާތަނަށް ޖުމްލަ 127 މީހަކު ބަލިން ފަސޭހަވެފައިވާކަމަށެވެ.

މި ކޭސްތަކާއި ގުޅޭ އިތުރު ތަފްސީލް ނޫސްވެރިންގެ ބައްދަލުވުމުގައި ހިއްސާ ކުރެއްވީ އެތަރަހަށީގެ ބަލިތަކުގެ ހާއްސަ ޑޮކްޓަރ، ޑޮކްޓަރ މޫސާ މުރާދު އެވެ. ޑރ. މުރާދު ވިދާޅުވީ ވޭތުވެދިޔަ 24 ގަޑިއިރު ތެރޭގައި ބަލިން ފަސޭހަވިކަމަށް މައުލޫމާތު ލިބިފައިވަނީ 3 ދިވެހިންކަމަށެވެ.

މިހާތަނަށް ރާއްޖެއިން 127 މީހަކު ބަލިން ރަނގަޅުވެފައިވާއިރު މީގެ ތެރޭގައި ގިނައީ ދިވެހިންނެވެ. އަދި މި އަދަދުގެ ތެރޭގައި ރާއްޖޭގެ ރިސޯޓްތަކުން މި ބަލި ފެނުނުއިރު ފާހަގަކުރެވުނު ބިދޭސީން ވެސް ހިމެނެ އެވެ. މިހާރު ރިކަވަރނުވެ ހުރި ކޭސްތަކުގެ ތެރޭގައި ގިނައީ މާލެ ސިޓީން ކޮމިއުނިޓީ ޓްރާންސްމިޝަން ދެނެގަނެވުނު ފަހުން ފެންމަތިވެފައިވާ ކޭސްތަކެވެ.

ރާއްޖޭގައި މީހުން ރިކަވަރވާން ނަގާ ދުވަސްތައް ހީކުރި ވަރަށްވުރެ، އިތުރު ކަމަށް އެޗްޕީއޭ އިން ވަނީ ހާމަކޮށްފަ އެވެ. އަދި މިއީ ކީއްވެގެންކަން ދެނެގަންނަން މަސައްކަތްކުރާއިރު، ރާއްޖެއިން މިހާތަނަށް ރިކަވަރވެފައިވާ ފަރާތްތައް ބަލިން ފަސޭހަވެފައިވަނީ އެވަރެޖްކޮށް 17 ދުވަހުގެ ތެރޭގައި އެވެ.

ރާއްޖެއިން ޕޮޒިޓިވްވި މީހުންގެ އަދަދު ވަނީ 1313ށް އަރާފަ އެވެ. އޭގެ ތެރެއިން 1198 މީހުންނަށް މިހާރުވެސް ފަރުވާދެމުންދާއިރު، 4 މީހަކު ވަނީ ބަލީގައި މަރުވެފަ އެވެ.