ހުކުރު 05 ޖޫން 2020
03 މިއަހެލި
1441 ޝައްވާލް 13
ފަތިސް 04:34
އިރުއަރާ 05:52
މެންދުރު 12:08
އަސްރު 15:31
އިރުއޮއްސޭ 18:17
އިޝާ 19:35
އިންޑިއާ - ދިވެހިރާއްޖެ

ރާއްޖެ އިންޑިއާގެ ދިފާއުގައި، އިންޑިއާ އަކީ މުސްލިމުންނާ ދެކޮޅު ގައުމެއް ނޫން

  • ދެ ގައުމު ދޭތެރޭގައި ވަރަށް ''ގާތް'' ގުޅުމެއް ވަނީ އުފެދިފައި
  • ދެކުނު އޭޝިޔާގެ ގައުމުތަކުން އެކަތިގަނޑަަކަށްވެގެން މަސަައްކަތް ކުރަން ޖެހޭ: ރާއްޖެ
  • މި ސަރުކާރުން އެންމެ ގާތް ގުޅުމެއް ބާއްވަމުން އަންނަނީ އިންޑިއާއާ

ކ. މާލެ | 22 މެއި 2020 | ހުކުރު 19:07 | 1,135

އިންޑިއާގެ ބޮޑު ވަޒީރު ނަރެންދްރަ މޯދީ ރާއްޖެއަށް ކުރެއްވި ރަސްމީ ޒިޔާރަތުގެ ތެރެއިން - ޓްވިޓަރ

އަވަށްޓެރި އިންޑިއާއަކީ މުސްލިމުންނާ ދެކޮޅު ގައުމެއް ނޫން ކަމަށް ބުނެ ރާއްޖެއިން އިންޑިއާގެ ދިފާއުގައި ތެދުވެ ވަކާލާތު ކޮށްފި އެވެ.

ރާއްޖެ އިންޑިއާ އާއި އެެއްކޮޅަށް ވަކާލާތު ކޮށްފައިވަނީ އޯގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) ގެ ކައުންސިލް ބައްދަލުވުމުގައި އިންޑިއާގެ އެއްމެ ވާދަވެރި ސަރަހައްދީ ގައުމު ކަމަށްވާ ޕާކިސްތާނުން އިންޑިއާ އިން މުސްލިމުންނާ ދެކޮޅު އެޖެންޑާ ޕްރޮމޯޓްކުރާ ކަމަށް ބުނުމުންނެވެ.

ޕާކިސްތާނަށް ރާއްދު ދެމުން ރާއްޖެއިން ބުނީ، އިންޑިއާއަކީ ދުނިޔޭގެ އެންމެ ބޮޑު ޑިމޮކްރެސީ އެއް ގައުމު ކަމަށާއި، އެ ގައުމުން މުސްލިމުންނާ ދެކޮޅު ހަރަކާތްތަތަކެއް ޕްރޮމޯޓް ކުރާ ވާހަކަ ބުނުމަކީ ގޯހެއް ކަމަށް ރާއްޖެއިން ދެކޭ ކަމަށެވެ.

ފާއިތުވި އަހަރުތަކުގައި އިންޑިއާއިން ވަނީ މުސްލިމު ގައުމުތަށް ކަމަށްވާ ސައުދީ އަރަބިޔާ، ޔޫއޭއީ، އަފްގާނިސްތާނުގެ އިތުރުން ފަލަސްތީނު ފަދަ ގައުމުތަކާއި ގާތް ގުޅުމެއް ބާއްވަމުން އަންނަ ކަމަށް ރާއްޖެއިން ވަނީ އޯއައިސީގެ ކައުންސިލްގެ ބައްދަލުވުމުގައި ފާހަގަކޮށްފައެވެ. ރާއްޖެއިން ބުނީ، ދެކުނު އޭޝިޔާގެ ގައުމުތަކުން އެކަތިގަނޑަކަށްވެގެން މަސައްކަތް ކުރެވޭނެ ގޮތްތައް ހޯދަން ޖެހޭ ކަމަށެވެ.

މި ސަރުކާރުން ދަނީ އިންޑިއާ އެކު ވަރަަށް ''ގާތް'' ގުޅުންތަކެއް ބާއްވަމުންނެވެ. އިންޑިއާގެ ބޮޑު ވަޒީރު ނަރެންދްރަ މޯދީ ވަނީ، ރައީސް އިބްރާހިމް މުހައްމަދު ސޯލިހު ވެރިކަމާއި ހަވާލުވެވަޑައިގަތް ފަހުން ދެ ފަހަރެއްގެ މަތިން ރާއްޖެ އަށް ޒިޔާރަތް ކުރައްވާފައެވެ. އަދި ރައީސް ސޯލިހުވެސް ވަނީ މޯދީގެ ދައުވަތަކަށް އިންޑިއާ އަށް ވަޑައިގެންފައެވެ. އޭގެ އިތުރުންވެސް ދެ ގައުމު ދޭތެރޭގައި އެކި ކަހަލަ އެއްބަސްވުންތަކުގައި ސޮއިކުރެވި ދެ ގައުމުގެ ވަޒީރުން ގެންދަވަނީ ރަސްމީ ދަތުުރުފުޅުތައް ކުރައްވަމުންނެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.