އިންތިހާބެއް ފަސްކޮށްފައިވާ ހާލަތުގައި އަނބުރާ ވަޒީފާ ލިބިދެވޭ ގޮތަށް ކަސްޓަމްސްގެ ގަވާއިދު އިސްލާހު ކޮށްފި
22 މެއި 2020 | ހުކުރު 11:53ފަސްކުރެވިފައިވާ ލޯކަލް ކައުންސިލްތަކުގެ އިންތިހާބުގައި ވާދަކުރުމުން ކަސްޓަމްގެ ވަޒީފާ ގެއްލިފައިވާ ކެންޑިޑޭޓުންނަށް އަނބުރާ ވަޒީފާ ލިބޭނެ
ކަސްޓަމްސްގެ މައި އޮފީސް ސަރަހައްދުގައި، ކަސްޓަމްސްގެ މުވައްޒަފުން އެތުރިލައިގެން: ލޯކަލް ކައުންސިލްތަކުގެ އިންތިހާބުގައި ވާދަކުރުމުގެ ސަބަބުން ވަޒީފާ ގެއްލުނު ކަސްޓަމްސްގެ މުވައްޒަފުންނަށް ވަޒީފާ ލިބ
ގާނޫނަކުން ނުވަތަ އިލެކްޝަންސް ކޮމިޝަނުން ބާއްވާ އިންތިޚާބެއްގައި ކެނޑިޑޭޓަށް ވުމުން ވަޒީފާ ގެއްލޭ، މުވައްޒަފުންނަށް އިންތިޚާބު ފަސްކޮށްފައިވާ ހާލަތްތަކުގައި އެ ވަޒީފާ އަނބުރާ ލިބިދެވޭ ގޮތަށް މޯލްޑިވްސް ކަސްޓަމްސް ސަރވިސްގެ މުވައްޒަފުންގެ ގަވާއިދު އިސްލާހު ކޮށްފި އެވެ.
"މޯލްޑިވްސް ކަސްޓަމްސް ސަރވިސްގެ މުވައްޒަފުންގެ ގަވާއިދު 2012" އަށް 6 ވަނަ އިސްލާހު ގެނެސް، ސަރުކާރުގެ ގެޒެޓްގައި ޝާއިއުކޮށްފައިވާ އިސްލާހުގައި ވަނީ، އެ ގަވާއިދުގެ 126 ވަނަ މާއްދާގެ (ފ)ގެ ފަހަތަށް (ދ), (ތ)، (ލ)، (ގ)، (ޏ) އިތުރުކޮށްފަ އެވެ.
ކަސްޓަމްސްގެ މުވައްޒަފުންގެ ގަވާއިދަށް ގެނެސްފައިވާ އިސްލާހުގައި މައިގަނޑު ގޮތެއްގެ ފާހަގަކޮށްފައި ވަނީ، އިންތިޚާބަކަށް ވާދަކުރުމުން، ކަސްޓަމްގެ ވަޒީފާ ގެއްލޭ ފަރާތްތަކަށް، އެ އިންތިޚާބު ފަސްކުރަން ޖެހޭ ހާލަތުގައި އަމަލުކުރަން ޖެހޭ ގޮތްތަކެވެ. ނުވަތަ އަނބުރާ ވަޒީފާ ލިބިދޭނެ ގޮތެވެ.
އެގޮތުން، އިންތިޚާބެއް ފަސްކުރުމުގެ ސަބަބުން، އެ އިންތިޚާބުގައި ވާދަކުރާ ކެނޑިޑޭޓުންގެ ތެރެއިން ކަސްޓަމްސްގެ ވަޒީފާއިން ވަގުތީގޮތުން ވަކިކޮށްފައިވާ މުވައްޒަފުންނަށް އަނބުރާ ވަޒީފާއަށް ނިކުތުމަށް އެދި ހުށަހެޅިދާނެ އެވެ. އަދި އަނބުރާ ވަޒީފާ ރުޖޫއަ ކުރާއިރު، ކުރިން އޭނާހުރި ވަޒީފާ ލިބިދެވޭ ގޮތަށް އިސްލާހުގައި ވެއެވެ. އަދި ދެން ވަޒީފާއިން ވަކި ކުރެވޭނީ، އަލުން އެ އިންތިޚާބު ބާއްވަން އިއުލާނު ކުރާ ދުވަހުން ފެށިގެން ކަމަށްވެސް ބުނެފައި ވެެއެވެ.
މީގެއިތުރުން، އިންތިޚާބުގައި ވާދަކުރުމުގެ ސަބަބުން ވަގުތީގޮތުން ވަޒީފާއިން ވަކިވެފައިވާ މުވައްޒަފުން އަލުން ވަޒީފާއަށް އެދި އިންތިޚާބު ފަސްކުރި ތާރީޚުން ފެށިގެން 7 ދުވަހުގެ ތެރޭގައި ކަސްޓަމްސްއަށް ހުށަހަޅަން ޖެހެއެވެ. އަދި މިގަވާއިދު ގެޒެޓްގައި ޝާއިއު ކުރާތާ 7 ދުވަހުގެ ތެރޭގައި އެފަދަ ފަރާތްތަކަށް ވަޒީފާއަށް އެދުމުގެ ފުރުސަތު ލިބިގެން ދާނެ ކަމަށްވެސް މި ގަވައިދުގައި ބުނެފައި ވެއެވެ.
ވަޒީފާއަށް އެދި 7 ދުވަހުގެ ތެރޭގައި ހުށަހަޅާފައިނުވާނަމަ މި ފުރުސަތު ދޫކޮށްލީ ކަމަށް ބަލަންވާނެ ކަމަށް ވެސް ގަވާއިދުގައި ބުނެފައި ވެއެވެ.
މިގަވާއިދުގެ ދަށުން ފަސް ކުރެވިފައިވާ ލޯކަލް ކައުންސިލްތަކުގެ އިންތިޚާބުގައި ވާދަކުރުމުގެ ސަބަބުން ކަސްޓަމްސްގެ ވަޒީފާ ގެއްލުނު ފަރާތްތަކަށް އަނބުރާ ކަސްޓަމްސްގެ ވަޒީފާއަށް ރުޖޫއަ ވުމުގެ ފުރުސަތު މިވަނީ ލިބިގެން ގޮސްފަ އެވެ. މި ގަވާއިދު ބުނާގޮތުން، އެފަރާތްކުން 7 ދުވަހުގެ ތެރޭގައި ކަސްޓަމްސްއަށް ހުށަހެޅުމުން ވަޒީފާ އަނބުރާ ރުޖޫއަ ވާނެއެވެ.
