މިއީ ސަގާފީ ތަފާތުތައް ބަލައިގަނެ، ނަސްލަށް ބެލުމެއްނެތި އެކުގައި ދިރިއުޅެން ދަސްކުރަންވީ ވަގުތު: މިނިސްޓަރ ޔުމްނާ
މަޝްވަރާ އާއި ތަރައްޤީއަށް ސަގާފީ ތަފާތުތަކުގެ މުހިއްމުކަން ފާހަގަކުރާ ދުވަހަކީ މެއި މަހުގެ 21 ވަނަ ދުވަހު
ރައީސް އޮފީހުގައި ބޭއްވި ހަފްލާއެއްގައި މިނިސްޓަރ ޔުމްނާ ވާހަކަދައްކަވަނީ؛ ކޮވިޑް-19 އާއި ހަނގުރާމަ ކުރަމުންދާ އިރު އެކަކު އަނެކަކަށް އިހްތިރާމް ކުރަންޖެހޭ
މުޅި ދުނިޔެ އާލަމީ ވަބާއަކާއި ހަނގުރާމަކުރަމުން ދާއިރު، އަޅުގަނޑުމެންގެ ތެރޭގައިވާ މުއްސަނދި ސަގާފީ ތަފާތުތައް ބަލައިގަނެ، ނަސްލަށް ބެލުމެއް ނެތި އެކުގައި ދިރިއުޅެން ދަސްކުރަންޖެހޭކަމަށް މިނިސްޓަރ އޮފް އާޓްސް، ކަލްޗަރ އެންޑް ހެރިޓޭޖް، ޔުމްނާ މައުމޫން ވިދާޅުވެއްޖެ އެވެ.
މަޝްވަރާ އާއި ތަރައްޤީއަށް ސަގާފީ ތަފާތުތަކުގެ މުހިއްމުކަން ފާހަގަކުރާ ދުވަހާއި ގުޅިގެން ކުރެއްވި ޓްވީޓއްގައި މިނިސްޓަރ ޔުމްނާ ވިދާޅުވީ، އަޅުގަނޑުމެން ކޮވިޑް 19 އާއި ހަނގުރާމަކުރަމުން ދާއިރު، އެކަކު އަނެކަކަށް އިޙުތިރާމުކޮށް އެހީތެރިވާން ޖެހޭ ކަމަށެވެ.
މަޝްވަރާ އާއި ތަރައްޤީއަށް ސަގާފީ ތަފާތުތަކުގެ މުހިއްމުކަން ފާހަގަކުރާ ދުވަހަކީ، 2002 ވަނަ އަހަރުގެ ޑިސެންބަރުމަހު ޔުނެސްކޯއިން ފާސްކުރި ޤަރާރަކުން ކޮންމެ އަހަރެއްގެވެސް މެއި މަހުގެ 21 ވަނަ ދުވަހު ފާހަގަކުރަމުންދާ ދުވަހެކެވެ.
މި ދުވަސް ފާހަގަކުރުމުގެ މައިގަނޑު ބޭނުމަކީ ތަރައްޤީ އާއި ސުލްހަމަސަލަސްކަން ޤާއިމުކުރުމަށް މަޝްވަރާ ކުރުމުގައި ސަގާފީ ތަފާތުތައް ދެނެގަނެ، އެއަށް އިޙުތިރާމް ކުރުމުގެ މުހިއްމުކަން ފާހަގަކުރުމެވެ. އަދި މުޖުތަމަޢުތަކުގައި އުޅޭ ތަފާތު ޤައުމުތަކާއި ނަސްލުތަކުގެ މީހުން، އެއްބަޔަކު އަނެއް ބައެއްގެ ސަގާފަތް ދަސްކޮށް، މުޖުތަމަޢުގައިވާ މި ސަގާފީ މުއްސަނދިކަމަކީ މުޖުތަމަޢުގެ ކުރިއެރުމާއި ތަރައްޤީއަށް ބޭނުންކުރާ މަސްދަރަކަށް ހެދުމެވެ.
