އިތުރު 43 މީހަކު ކޮވިޑް-19ށް ޕޮޒިޓިވްވެ، ޖުމްލަ އަދަދު 1،186ށް އަރައިފި!

އިތުރު 43 މީހަކު ކޮވިޑް-19ށް ޕޮޒިޓިވްވެ، ޖުމްލަ އަދަދު 1،186ށް އަރައިފި އެވެ.

މިކަން ހާމަކޮށް، ހެލްތް ޕޮރްޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓެއްގައި ބުނީ، ބުދަ ދުވަހުގެ ހެނދުނު 10:00 އާއި ހަމަޔަށް އިތުރު 43 މީހަކު ކޮވިޑް-19ށް ޕޮޒިޓިވް ވެފައިވާކަމަށެވެ. ޕޮޒިޓިވްވި މީހުންގެ ތެރޭގައި ހިމެނެނީ 10 ދިވެހިންނާއި، ބަންގްލަދޭޝް އަށް ނިސްބަތްވާ 28 މީހެއްގެ އިތުރުން، އިންޑިއާގެ 4 މީހަކާއި ނޭޕާލުގެ އެކަކު ކަމަށެވެ.

ރާއްޖޭގައި މިހާތަނަށް ކޮވިޑް-19 އަށް ޕޮޒިޓިވްވި މީހުންގެ ތެރޭގައި ހިމެނޭ ގިނަ މީހުންނަކީ ބަންގްލަދޭޝް އަށް ނިސްބަތްވާ މީހުންނެވެ. މި ބަލި ޖެހިގެން މިހާތަނަށް ހަތަރު މީހަކު ވަނީ މަރުވެފަ އެވެ. އެޗްޕީއޭ އިން ހާމަކޮށްފައިވާ މައުލޫމާތުތައް ބުނާ ގޮތުން ނަމަ ރާއްޖެއިން ފެންނަ ކޭސްތަކުގެ ތެރެއިން ގިނަ ކޭސްތަކަކީ އެއްވެސް ވަރަަކަށް އަލާމާތެއް ނުފެނި ޕޮޒިޓިވްވެފައިވާ ކޭސްތަކެވެ. މާލޭގައި ބަލި އޮތް މިންވަރު ބަލަން އެޗްޕީއޭ އިން ދަނީ ރޭންޑަމް ސާމްޕަލް ނަގަން ފަށާފަ އެވެ.

މިހާތަނަށް ރާއްޖެއިން ކޮވިޑް-19 ޖެހިގެން ޖުމްލަ 91 މީހުން ވަނީ ރަނގަޅުވެފަ އެވެ.