އިތުރު 37 މީހަކު ޕޮޒިޓިވްވެ ޖުމްލަ އަދަދު 1143ށް
އިތުރު 37 މީހަކު ވަނީ ޕޮޒިޓިވްވެފައި
ކޮވިޑް-19 އަށް ޓެސްޓު ކުރުމުގައި އެޗްޕީއޭގެ ޓީމަކުން ހަރަކާތްތެރިވަނީ
އިތުރު 37 މީހަކު ކޮވިޑް-19 އަށް ޕޮޒިޓިވްވެ ޖުމްލަ އަދަދު 1143ށް އަރައިފި އެވެ.
ހެލްތް ޕޮރްޓެކްޝަން އެޖެންސީ (އެޗްޕީއޭ) އިން އަންގާރަ ދުވަހު ކޮށްފައިވާ ޓްވީޓެއްގައި ބުނީ، ޕޮޒިޓިވްވި މީހުންގެ ތެރޭގައި ހިމެނެނީ 15 ދިވެހިންނާއި، ބަންގްލަދޭޝްގެ 19 މީހުންގެ އިތުރުން އިންޑިއާގެ ތިން މީހަކު ކަމަށެވެ.
ރާއްޖޭގައި މިހާތަނަށް ކޮވިޑް-19 އަށް ޕޮޒިޓިވްވި މީހުންގެ ތެރޭގައި ހިމެނޭ ގިނަ މީހުންނަކީ ބަންގްލަދޭޝް އަށް ނިސްބަތްވާ މީހުންނެވެ. މި ބަލި ޖެހިގެން މިހާތަނަށް ހަތަރު މީހަކު ވަނީ މަރުވެފަ އެވެ. އެޗްޕީއޭ އިން ހާމަކޮށްފައިވާ މައުލޫމާތުތައް ބުނާ ގޮތުން ނަމަ ރާއްޖެއިން ފެންނަ ކޭސްތަކުގެ ތެރެއިން ގިނަ ކޭސްތަކަކީ އެއްވެސް ވަރަަކަށް އަލާމާތެއް ނުފެނި ޕޮޒިޓިވްވެފައިވާ ކޭސްތަކެވެ. މާލޭގައި ބަލި އޮތް މިންވަރު ބަލަން އެޗްޕީއޭއިން ދަނީ ރޭންޑަމް ސަމްޕަލް ނަގަން ފަށާފައެވެ.
