ޗިލްޑްރެންސް އޮމްބަޑްސްޕަރސަންގެ މަގާމަށް ސިޔާނަތު އައްޔަން ކުރުމަށް ރުހުންދީފި

ކުޑަކުދިންގެ ޙައްޤުތައް ރައްކާތެރިކުރުުގެ ޤާނޫނުގެ 113 ވަނަ މާއްދާގައިވާ ގޮތުގެ މަތީން، ޗިލްޑްރަންސް އޮމްބަޑްސްޕަރސަންގެ މަޤާމަށް ޢައްޔަނު ކުރެއްވުމަށް ރައީސުލްޖުމްހޫރިއްޔާ ފޮނުއްވާފައިވާ ސިޔާނަތު ހާޝިމް، ގދ. ތިނަދޫ ހިރިޔާ އަށް ރުހުން ދިނުމަށް ރައްޔިތުންގެ މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމެޓީން ނިންމައިފި އެވެ.

ރައްޔިތުންގެ މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމެޓީގެ ރިޕޯޓުގައިވާ ގޮތުން، ސިޔާނަތު އާ ކޮމެޓީން އިންޓަވިއު ކުރުމަށް ފަހު، ކޮމެޓީން ފާސްކޮށްފައި ވަނީ މިމަހުގެ 6 ވަނަ ދުވަހު ބޭއްވި ކޮމެޓީގެ ބައްދަލުވުމުގައި ބައިވެރިވެވަޑައިގެންނެވި މެންބަރުންގެ ތިންބައިކުޅަ ދެބައި އަޣްލަބިއްޔަތުންގެ ރުހުމާއެކު ސިޔާނަތުގެ ޢައްޔަނު ކުރުމަސް ފާސްކޮށްފަ އެވެ.

ކުޑަކުދިންގެ ޙައްޤުތައް ރައްކާތެރިކުރުމުގެ ޤާނޫނު ގެ 113 ވަނަ މާއްދާގައިވާ ގޮތުގެމަތިން، ޗިލްޑްރަންސް އޮމްބަޑްސްޕަރސަންގެ މަޤާމަށް ޢައްޔަނު ކުރެއްވުމަށް ރައީސުލްޖުމްހޫރިއްޔާ ފޮނުއްވާފައިވާ ނަންފުޅު ދިރާސާކޮށް ގޮތެއް ނިންމުމަށް އެ މައްސަލައާގުޅޭ ދާއިމީ ކޮމިޓީއަށް ފޮނުއްވާފައި ވަނީ މި އޭޕްރީލް މަހުގެ 22 ވަނަ ދުވަހު ބޭއްވި ރައްޔިތުންގެ މަޖިލީހުގެ ޖަލްސާއިންނެވެ.

އޮމްބަޑްސްޕަރސަންގެ މަޤާމަށް ސިޔާނަތުގެ ނަން ކޮމެޓީން ފާސްކުރި ރިޕޯޓު ދެން ފޮނުވޭނީ ރައްޔިތުންގެ މަޖިލީހުގެ ތަޅުމަށެވެ. އަދި އެރިޕޯޓު މަޖިލީހުގެ ޖަލްސާއަށް އެޖެންޑާ ކުރުމަށް ފަހު ފާސްކުރުމާމެދު ގޮތެއް ނިންމާނީ ރައްޔިތުންގެ މަޖިލީހުގެ ޖަލްސާގައި ނަގާ ވޯޓުން ނެވެ.