ކަސްޓަމްސްގެ ބެލުމުގެ ދަށުގައި ހުރި ބަނގުރަލާއި އޫރުމަސް އަދި ސިނގިރޭޓު ނައްތާލައިފި
19 މެއި 2020 | އަންގާރަ 06:37ނައްތާލާފައިވަނީ، 71 ޕެކެޓް އޫރުމަހާއި، 59 ފުޅި ބަނގުރާ އަދި 10،000 ސިނގިރޭޓް
ކަސްޓަމްސްގެ ބެލުމުގެ ދަށުންގައި ހުރި ބަނގުރަލާއި އޫރުމަހާއި ސިނގިރޭޓް ނައްތާލަނީ: މިތަކެތި ނައްތާލާފައިވަނީ ތިލަފުށީގައި
ކަސްޓަމްސްގެ ބެލުމުގެ ދަށުގައި ހުރި ބަނގުރަލާއި އޫރުމަސް އަދި ސިނގިރޭޓު ނައްތާލައިފި އެވެ.
އަންގަރާ ދުވަހު ކަސްޓަމްސް އިން ބުނީ، ކަސްޓަމްސްގެ ބެލުމުގެ ދަށުގައި ހުރި ބަނގުރަލާއި އޫރުމަސް އަދި ސިނގިރޭޓް ނައްތާލާފައި ވަނީ ހޯމަ ދުވަހު، ކ. ތިލަފުށީގައި ކުނި ނައްތާލާ ޞަރަޙައްދުގައި ކަމަށެވެ.
ނައްތާލާފައިވަނީ، 71 ޕެކެޓް އޫރުމަހާއި، 59 ފުޅި ބަނގުރާ އަދި 10،000 ސިނގިރޭޓް ކަމަށް ކަސްޓަމްއިން ބުނެއެވެ.
ކަސްޓްމަސް އިން ބުނީ، މިތަކެއްޗަކީ، ކަސްޓަމްސްގެ ޢާންމު ޤަވާއިދުގެ 412 ވަނަ މާއްދާގެ ދަށުން އެކަށައެޅިފައިވާ، ރާއްޖެއަށް އެތެރެކުރަން އުޅެނިކޮށް، ހިފެހެއްޓޭ މަނާތަކެތި ކަސްޓަމްސް އިން ނައްތާލުމުގައި ޢަމަލުކުރާނެ އުޞޫލުގެ ދަށުން ނައްތާލެވުނު ތަކެތި ކަމަށެވެ.
