ބޮލީވުޑްގެ ހުނަރުވެރި އެކްޓަރ ނަވާޒުއްދީން ސިއްދީގީއާ އޭނާގެ އާއިލާ ކޮވިޑް-19 އަށް ޝައްކުވެގެން 14 ދުވަހަށް ކަރަންޓީނު ކޮށްފި އެވެ.
ނަވާޒުގެ އާއިލާ ކަރަންޓީނު ކޮށްފައި ވަނީ މުމްބާއީ އިން އޭނާގެ އުފަން އަވަށް ކަމަށްވާ ބުދާނާ އަށް ދަތުރުކުރި ފަހުންކަމަށް އިންޑިއާ ފުލުހުންނާއި ޙަވަލާދީ ނޫސްތަކުގައި ރިޕޯޓުކޮށްފައި ވެއެވެ. އެ އެންމެންވެސް މިހާރު ތިބި ގޭގަައި ކަރަންޓީނު ކޮށްފައެވެ. އާއިލާގެ މެންބަރުންނާއެކު ނަވާޒުއްދީން އޭނާގެ އަަވަށަށް ދަތުރު ކުރީ ފުލުހުންގެ ހުއްދައާ އެކުގައެވެ.
ނަވާޒް ބުނީ، އޭނާ ހިމެނޭ ގޮތަށް އާއިލާގެ އެންމެން ވެސް ކޮވިޑް-19ށް ޓެސްޓު ކޮށްފައިވާ ކަމަށާއި، އެ އެންމެންގެ ސާމްޕަލްތައް ވެސް ނެގެޓިވް ކަމަށެވެ. ބުދާނާ އަށް ނަވާޒްގެ އާއިލާ ދަތުރުކުރީ އާއިލާއާއެކު އީދު ފާހަގަ ކުރުމަށެވެ.
