ފިތުރު އިދާ ގުޅިގެން މިސްރުގައި ކޮވިޑް-19އާ ދެކޮޅަށް އަޅާފައިވާ ފިޔަވަޅުތައް ހަރުކަށި ކުރަނީ
17 މެއި 2020 | އާދީއްތަ 19:43ރޭގަަނޑު އިއުލާން ކުރާ ކާފިއުގެ ވަގުތު އިތުރު ކުރާނެ
މިސްރު އަންހެނެއް މާސްކް އަޅާގެން، ޓްރެޑީޝަން އެއްޗެހި ވިއްކާ ތަނެއްގެ ކައިރީގައި މަޑުކޮށްލައިގެން
ފިތުރު އިދާ ގުޅިގެން މިސްރުގައި ކޮވިޑް-19އާ ދެކޮޅަށް އަޅާފައިވާ ފިޔަވަޅުތައް އިތުރަށް ހަރުކަށި ކުރާނެ ކަމަށް އެގައުމުގެ ސަރުކާރުން ބުނެފި އެވެ.
މީޑިއާތަކުގައި ރިޕޯޓުކޮށްފައިވާ ގޮތުގައި މިސްރުގައި ރޭގަަނޑު އިއުލާން ކުރާ ކާފިއުގެ ވަގުތު އިތުރު ކުރާނެ ކަމަށާއި، ތަންތަނަށް މީހުން އެއްވެ އުޅުން މަދު ކުރުމަށް އެހެން ފިޔަވަޅުތައް އަޅަމުން ގެންދާނެ ކަމަށެވެ.
ޕްރައިމް މިނިސްޓަރު މުސްތަފާ މަދްބޮލީ ވިދާޅުވީ ކޮވިޑް-19އާ ގުޅިގެން އަޅާ ފިޔަވަޅުތަކުގެ ތެރޭގައި މެއި 24ން 29ށް ފިހަރާތަކާއި، މޯލްތަކާއި، ރެސްޓައުރެންޓްތަކާއި، ބީޗް އަދި ޕަބްލިކް ޕާކްތައް ބަންދު ކުރުމަށް ނިންމާފައިވާ ކަމަށެވެ. އަދި ޕަބްލިކް ޓްރާންސްޕޯޓު ވެސް މަޑު ޖައްސާލާނެ ކަމަށެވެ.
މިހާރު އެގައުމުގައި ކާފިއު އިއުލާން ކުރަނީ ރޭގަނޑު 9:00ން ހެނދުނު 6:00ށް ށެވެ.
