ސީރިޔާގައި ދިން މިސައިލް ހަމަލާތަކެއްގައި އީރާނުން ވާގިވެރިވެދޭ ހަތް ހަނގުރާމަވެރިއަކު މަރުވެއްޖެ
17 މެއި 2020 | އާދީއްތަ 19:45މިހަމަލާ ދިނީ ހޮނިހިރު ދުވަހުގެ ރޭ ދަންވަރުގެ ވަގުތުގައި
މިސައިލްގެ ހަމަލާތަކެއްގައި ސީރިއާގެ ގެތައް ސުންނާފަތިވެފައި
ސީރިޔާގައި ދިން މެސައިލް ހަމަލާތަކެއްގައި އީރާނުން ވާގިވެރިވެދޭ ހަތް ހަނގުރާމަވެރިއަކު މަރުވެއްޖެ އެވެ.
ރިޕޯޓުތައް ބުނާ ގޮތުން ހޮނިހިރު ދުވަހުގެ ރޭ ދަންވަރު އިރާންގެ ސިފައިންނާއި، އިރާނަށް ވާގިވެރިވެދޭ ހަނގުރާމަވެރިން ކޮންޓްރޯލް ކުރާ ސަރަހައްދަށް ދިން މިސައިލް ހަމަލާތަކުގައި ހަތް މީހަކު ވަނީ މަރުވެފަ އެވެ.
މި ހަމަލާ ދިން ބަޔަކު އަދި ސާފުނުވާ ކަމަށާއި، ހަމަލާގެ ސަބަބުން އެ ބޭސް އަށް ވެސް ކޮންމެވެސް ވަރެއްގެ ގެއްލުން ތަކެއް ލިބިފައިވާ ކަމަށް ސީރިއަން އޮބްސަވޭޓަރީ ފޯ ހިއުމަން ރައިޓްސް އިން ރިޕޯޓުކޮށްފައިވާ ކަމަށެވެ.
ސީރިއަން އޮބްސަވޭޓަރީން އިތުރަށް ބުނެފައިވަނީ މީގެ އެއް ދުވަސް ކުރިން މި ސަރަހައްދަށް އީރާނުގެ ސިފައިންނާއި، އިރާނަށް ވާގިވެރިވެދޭ ހަނގުރާމަވެރިން ގިނަ އަދަދަކަށް އައިސްފައިވާ ކަމަށެވެ.
