ވިއްސާރާގައި ބޮޑެތި ގެއްލުންތަކެއް ލިބުމާއި ގުޅިގެން އައްޑޫއަށް އެއްލައްކަ ރުފިޔާ ހަދިޔާކޮށްފި
17 މެއި 2020 | އާދީއްތަ 17:58ގިނަ ގެތަކަށް ފެން ވަދެ ބޮޑެތި ގެއްލުންތަކެއް ވެފައިވޭ
އައްޑޫ ސިޓީ ގެއަކަށް ފެން ވަދެފައި، އެންމެ ބޮޑޫ ގެއްލުމެއްވީ ފޭދޫއަށް ކަމަށް ކައުންސިލުން ބުނޭ
ރާއްޖެއަށް މިހާރު ކުރަމުންދާ ވިއްސާރައާ ގުޅިގެން އައްޑޫ ސިޓީގައި ގެއްލުންވި ގެތަކަށް އެހީތެރިވުމުގެ ގޮތުން އަލްމަރުހޫމު އަބްދުﷲ އަހުމަދު ފައުންޑޭޝަނުން 100،000 ފައިސާގެ އެހީތެރިކަން ފޯރުކޮށްދީފި އެވެ.
މިމަހުގެ 14 ވީ ބުރާސްފަތި ދުވަހު އައްޑޫއަށް ކުރި ވިއްސާރާގައި ގެތަކަށް ފެން ވަދެ ވަނީ ބޮޑެތި ގެއްލުން ތަކެއް ވެފަ އެވެ.
އައްޑޫ ސިޓީ ކައުންސިލުން ބުނީ އަލް މަހްރޫމް އަބްދުﷲ އަހުމަދު ފައުންޑޭޝަންގެ ފަރާތުން އައްޑޫގެ ފެން ބޮޑުވެގެން ގެއްލުންވި ފަރާތްތަކަށް އެހީގެ ގޮތުގައި 100،000 ރުފިޔާ ދީފައިވާ ކަމެވެ. އަދި މިއެހީ ވީހާ ވެސް އަވަހަށް ގެއްލުންވި ފަރާތްތަކަށް ދޫކުރާނެ ކަމަށް ކައުންސިލުން ބުނެ އެވެ.
ރާއްޖެއަށް ކުރަމުންދާ ވިއްސަރައާ ގުޅިގެން އައްޑޫ ސިޓީއަށް ވެސް ބޯކޮށް ވާރޭވެހިފައި ވެއެވެ. އަދި މިހާތަނަށް 636 ގެއަކުން ގެއްލުން ވެފައިވާ ކަމަށް އައްޑޫ ސިޓީ ކައުންސިލުން ބުނެ އެވެ.
