މަނަދޫން ނުވަ މީހަކު ކޮވިޑް-19ށް ޕޮޒިޓިވް ވެއްޖެ
15 މެއި 2020 | ހުކުރު 12:03ކައުންސިލްގެ ރައީސް ވަނީ އެކަން ކަަށަވަރު ކޮށްދެއްވާފައި
އަލީ ސަމާޚް | 15 މެއި 2020 | ހުކުރު 12:03
ކޮވިޑް-19 އަށް ޓެސްޓު ކުރަން އެޗްޕީއޭގެ ޓީމަކުން ހަރަކާތްތެރިވަނީ
ނ. މަނަދޫއިން އިތުރު ނުވަ މީހަކު ކޮވިޑް-19 އަށް ޕޮޒިޓިވްވެއްޖެ އެވެ.
މި މަހުގެ 1 ވަނަ ދުވަހު ނ. މަނަދޫން ކޮވިޑް-19 އަށް ޕޮޒިޓިވްވި 80 އަހަރުގެ އުމުރުން ދުވަސްވީ އަންހެން މީހާގެ ތިން ވަނަ ސާމްޕަލް ވަނީ ޕޮޒިޓިވްވެފައެވެ.
މަނަދޫ ކައުންސިލްގެ ރައީސް މުހައްމަދު އުމަރު ރާއްޖެ އެމްވީ އަށް ވިދާޅުވީ، އެރަށުން ނެގި 34 ސާމްޕަލްގެ ތެރެއިން 9 ސާމްޕަލްއެއް ޕޮޒިޓިވްވެފައިވާ ކަމަށެވެ. އެ މީހުންނަކީ އެ ރަށުން އެންމެ ފުރަތަމަ ޕޮޒިޓިވްވި އަންހެން މީހާއައި ކޮންޓެކްޓްވި މީހުން ކަމަށް ކައުންސިލުން ބުންޏެވެ.
ކައުންސިލްގެ ރައީސް ވިދާޅުވީ، ޕޮޒިޓިވްވި މީހުން އެކަހެރިކޮށް އެ މީހުން ކަރަންޓީނަށް ގެންދިޔުމުގެ މަސައްކަތް ކުރަމުންދާ ކަމަށެވެ.
