ބުރާސްފަތި ދުވަހުގެ ރޭ ދަންވަރު ބިދޭސީންގެ މެދުގައި ހިންގި މާރާމާރީއެއްގައި ދެ ބިދޭސީއަކު ހައްޔަރު ކޮށްފިއެވެ.
ފުލުހުން ބުނީ ޗާންދަނީ މަގުގައި ބިދޭސީން ދިރިއުޅޭ އިމާރާތެއްގައި މާރާމާރިއެއް ހިންގައިގެން އުޅޭ ކަމަށް މެއި 15 ވަނަ ދުވަހުގެ ރޭ ދަންވަރު 1:54 އެހާކަން ހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.
ފުލުހުން ބުނީ މި މާރާމާރިއާ ގުޅިގެން ދެބިދޭސީއަކު ފުލުުހުންގެ ބެލުމުގެ ދަށަށް ގެންގޮސްފައިވާ ކަމަށެވެ.
މީގެ އިތުރުން ފުލުހުން ބުނީ މި މާރާމާރީގައި ތޫނު އެއްޗަކުން ބޮލަށް ހަމަލާ ދީފައިވާ ބިދޭސީއަކު ގެއިން ނުކުމެގެން ހިނގާފައި ދަނިކޮށް އަބުރައި ގަނެގެން މަގުމައްޗަށް ވެއްޓިފައިވާ ކަމަށެވެ. އަދި ފުލުހުންގެ ވެހިކަލްގައި އައިޖީއެމްއެޗަށް ގެންގޮސްފައިވާ ކަމަށެވެ.
މިމައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
