މި އަހަރުގެ ހޫނު މޫސުމުގައި "ފްރެންޑްސް"ގެ ރީޔޫނިއަން އެޕިސޯޑްގެ ޝޫޓިން
ރީޔޫނިއަން އެޕިސޯޑްގެ ޝޫޓިން މަޑުޖެހިފައި އޮތީ ކޮވިޑް 19 ގެ ސަބަބުން
މަޝްހޫރު ސީރީޒް \"ފްރެންޑްސް\" ގެ ލީޑް ކާސްޓުން
ޙަބަރުތައް ބުނާ ގޮތުން ފްރެންޑްސްގެ ރީޔޫނިއަން އެޕިސޯޑްގެ ޝޫޓިން މި އަހަރުގެ ހޫނު މޫސުމުގެ ތެރޭގައި ފެށުމަށް ވަނީ ނިންމާފަ އެވެ.
މަޝްހޫރް ޓީވީ ޝޯ "ފްރެންޑްސް" ގެ ލީޑު ކާސްޓުންނާއެކު ހާއްސަ ރިޔޫނިއަން އެޕިސޯޑެއް ގެނެސްދޭނެ ކަން އެޗްބީއޯ އިން ކަށަވަރުކޮށްދިން ފަހުން ކޮވިޑް-19 ގެ ސަބަބުން އެޕިސޯޑްގެ މަސައްކަތް އޮތީ މަޑުޖެހިފަ އެވެ.
ކޮވިޑްގެ ބަލިމަޑުކަން ނިމުމަކަށް އައިސް ހޫނު މޫސުމަށް ވުރެ އަވަހަށް ޝޫޓިން ފެށޭނެ ހާލަތެއް އައިސްދާނެ ކަމަށް ބަލައި "ފްރެންޑްސް" ގެ ޓީމު އޮތީ ވަރަށް ބޮޑަށް ތައްޔާރުވެފަ އެވެ.
ފްރެންޑްސް އަކީ އެކުގައި ދިރިއުޅޭ ހަ ރަހުމަތްތެރިންގެ ދިރިއުޅުން ދައްކުވައިދޭ ސީރީޒް އެކެވެ. މި ޝޯވ ގެ 10 ސީޒަން ވަނީ ދައްކާފަ އެވެ. މިއީ މިހާތަނަށް ބެލުންތެރިންގެ މެދުގައި އެންމެ ބޮޑު މަގުބޫލުކަމެއް ހޯދާފައިވާ ސިލްސިލާތަކުގެ ތެރެއިން އެއް ސިލްސިލާ އެވެ.
