މާމިގިލީގައި 23 އަހަރުގެ ފިރިހެނަކު ދަންޖެހިގެން މަރުވެއްޖެ!
ދަންޖެހިގެން މަރުވެފައިވަނީ 23 އަހަރުގެ ފިރިހެނެއް
ފާތިމަތު ޝަނާ މުހައްމަދު | 4 އެޕްރީލު 2017 | އަންގާރަ 21:06
އދ. މާމިގިލީގެ އޭރިއަލް ފޮޓޯއެއް - ޒުވާނަކު އެ ރަށުގައި ދަންޖެހިފައިވަނީ އަންގާރަ ދުވަހުގެ ރޭ
މާމިގިލީގައި 23 އަހަރުގެ ފިރިހެނަކު ދަން ޖެހިގެން މަރުވެއްޖެ އެވެ.
މިކަމާ ގުޅޭ ގޮތުން ފުލުހުންގެ މީޑިޔާ އޮފިޝަލް ވިދާޅުވީ، އެ މީހާ ދަންޖެހު މައްސަލަ ފުލުހުންނަށް ހުށަހަޅާފައިވަނީ އަންގާރަ ދުވަހުގެ ރޭ 07:50 ހާއިރު ކަމަށެވެ. އެ މީހާ ހޮސްޕިޓަލަށް ގެންދިޔަ އިރުވެސް މަރުވެފައިވާ ކަމަށް ފުލުހުން ބުނެ އެވެ.
ރާއްޖެއެމްވީ އަށް މައުލޫމާތު ލިބިފައިވާ ގޮތުގައި އެމީހާ ދަންޖެހިގެން މަރުވެފައިވަނީ އޭނާ ދިރިއުޅޭ ގޭގަ އެވެ.
ފުލުހުން ވަނީ މިހާދިސާ އިތުރަށް ތަހުގީގު ކުރަމުންދާ ކަން ހާމަކޮށްފަ އެވެ.
