ސާރީ ކޭސްތަކުންނާއި ފްލޫ ކްލިނިކްތަކުން ސަރޖް އައުމުން އިނގޭނެ
ސަރޖް އައުމުން އެނގޭނީ އެހެން އިންޑިކޭޓަރުތަކުން: ޑރ. އަފްޒަލް
މާސްކެއް އަޅައިގެން މާލޭގައި މަގުތައް މަތީގައި: ސަރޖް އަންނާނީ މެއި 31 ގައި
ނޭވާލާ ނިޒާމުގެ މައްސަލަތަކާއި ގުޅިގެން ހޮސްޕިޓަލުގައި އެޑްމިޓްކުރާ މީހުންގެ އަދަދުތަކާއި، ފްލޫ ކްލިނިކްތަކަށް ޒިޔާރަތްކުރާ މީހުންގެ އަދަދުތަކާއި އެއްކޮށްލުމުން ސަރޖް އައުމުން އިނގޭނެކަން ހާމަކޮށްފި އެވެ.
މިހެން ވިދާޅުވީ ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ އެޕިޑަމޮލޮޖިސްޓް ޑރ. އިބްރާހިމް އަފްޒަލް އެވެ. ނޭޝަނަލް އިމަރޖެންސީ ސެންޓަރު (އެންއީއޯސީ) ގައި ބުރާސްފަތި ދުވަހު ބޭއްވި ނޫސްވެރިންގެ ބައްދަލުވުމުގައި ޑރ. އަފްޒަލް މިހެން ވިދާޅުވީ ސަރޖް ދެނެނުގަނެވިދާނެ ކަމަށް ވިދާޅުވުމަށް ފަހު އެވެ.
ބުދަ ދުވަހުގެ ނޫސްވެރިންގެ ބައްދަލުވުމުގައި ޑރ. އަފްޒަލް ވިދާޅުވީ ޓެސްޓިންގ ކެޕޭސިޓީ އިތުރު ނުކުރެވޭނަމަ ސަރޖެއް އަޔަސް، ދެނެގަންނަން އުނދަގޫވާނެ ކަަމަށެވެ. ނަމަވެސް، މިހާރުގެ "އެކްސްޕެކްޓަޑް ސަރޖް" އަޔަސް އަންނަނީ ވަރަށް "ލޯ ސަރޖް" އެއް ކަމަށެވެ.
ނޫސްވެރިއަކު ކުރި ސުވާލަކަށް ޖަވާބުދެއްވަމުން ޑރ. އަފްޒަލް ވަނީ މިކަން އިތުރަށް ސާފުކޮށްދެއްވާފަ އެވެ. އެގޮތުން ސީދާ އަދަދުތައް ދައްކާލެވޭނީ ޓެސްޓު ކުރެވިގެން ކަމަށް ގަބޫލުކުރައްވާ ކަމަށް ވިދާޅުވި އެވެ.
އެހެނިހެން އިންޑިކޭޓަރުތަކުގެ ޒަރިއްޔާއިން ވައިރަސް ފެތުރޭ އަދަދު ކުއްލިއަކަށް އިތުރުވާ ނަމަ ދެނެގަނެވޭނެ ކަމަށް ޓެކްނިކަލް އެޑްވައިޒަރީ ގްރޫޕް (ޓެގް) އިން ވަނީ ލަފާކޮށްފަ އެވެ. އެގޮތުން ސާރީ ވޯޑުގައި އެޑްމިޓްކުރާ މީހުންގެ އަދަދުތަކާއި ފްލޫ ކްލިނިކްތަކަށް ދާ މީހުންގެ އަދަދު އިތުރުވުމަކީ މިފަދަ ދެ އިންޑިކޭޓަރ އެކެވެ.
