ރާއްޖޭގައި ތިބި ސްރީލަންކާގެ 285 މީހަކު ގެންގޮސްފި
14 މެއި 2020 | ބުރާސްފަތި 11:21ބުދަ ދުވަހުވެސް ފްލައިޓެއް ވަނީ ގޮސްފައި
ރާއްޖޭގައި ތިބި ލަންކާ މީހުން ފުރުމުގެ ތެރެއިން
ކޮވިޑް-19ގެ ޙާލަތާއި ގުޅިގެން ގައުމަށް ނުދެވި ރާއްޖޭގައި ތާށިވެފައި ތިބި ސްރީލަންކާގެ 285 މީހަކު ބުރާސްފަތި ދުވަހު ޤައުމަށް ގެންގޮސްފި އެވެ.
މަޢުލޫމާތު ލިބިފައިވާ ގޮތުގައި ބުރާސްފަތި ދުވަހު ހެނދުނު މި މީހުން ސްރީލަންކާ އަށް ގެންދިޔައީ ސްރީލަންކަން އެއަރލައިންގެ ޗާޓަރު ފްލައިޓެއްގަ އެވެ. ރާއްޖެއިން ފުރި މީހުންގެ ތެރޭގައި މާބަނޑު ދެ އަންހެނަކުވެސް ހިމެނެ އެވެ.
ބުދަ ދުވަހު ސްރީލަންކަން އެއަރލައިންގެ ފްލައިޓެއްގައި 108 ބިދޭސީއަކު ވެސް ވަނީ ސްރީލަންކާ އަށް ގޮސްފަ އެވެ. ގެންދިޔަ މީހުންގެ ތެރޭގައި ޕާކިސްތާނުގެ 45 މީހަކު ހިމެނެ އެވެ.
އެކި ސަބަބުތަކާއި ހުރެ ރާއްޖޭގައި ތާށިވެފައި ތިބި ޤައުމުތަކުގެ މީހުން އަނބުރާ ޤައުމަށް ގެންދިޔުމުގެ މަސައްކަތް އެ ޤައުމުތަކުގެ ސަރުކާރާއި، ރާއްޖޭގެ ފޮރިން މިނިސްޓްރީ ގުޅިގެން ދަނީ ކުރަމުންނެވެ. އޭގެ ތެރޭގައި ޔޫރަޕުގެ ޤައުމުތަކުގެ އިތުރުން އޭޝިޔާގެ ޤައުމުތައްވެސް ހިމެނެއެވެ.
