ބަލިން ފަސޭހަވީ މީހުންގެ އަދަދު 40ށް
13 މެއި 2020 | ބުދަ 17:12ޖުމްލަ އަދަދު 50 އަށް
އަލީ ސަމާޚް | 13 މެއި 2020 | ބުދަ 17:12
މީހުންގެ ސާމްޕަލް ނެގުމުގައި އެޗްޕީއޭފެ ޓީމަކުން ހަރަކާތްތެރިވަނީ
ރާއްޖެއިން ކޮވިޑް-19 ޖެހުނު މީހުންގެ ތެރެއިން އިތުރު 8 މީހަކު ބަލިން ފަސޭހަވެއްޖެ އެވެ.
މިއަދަދާއި އެކު ރާއްޖޭގައި ބަލިން ފަސޭހަވި މީހުންގެ އަދަދު މިވަނީ 40 އަށް އަރާފަ އެވެ. ނަމަވެސް އެ މީހުންނާ ގުޅޭ އިތުރު މައުލޫމާތެއް އެޗްޕީއޭއިން ހާމަ އެއް ނުކުރެއެވެ. ހެލްތް މިނިސްޓްރީގެ ޑޭޝް ބޯޑުން ދައްކާ ގޮތުން ރާއްޖޭގެ ރިކަވަރީ ރޭޓަކީ 3.2 އިންސައްތަ އެވެ.
ރާއްޖޭގައި ބަލި ޖެހުނު މީހުން އާއްމު ގޮތެއްގައި 17 ދުވަހުން ބަލިން ފަސޭހަވެ އެވެ. ޗައިނާ އާއި ދުނިޔޭގެ ސިއްހަތު ޖަމިއްޔާއާ ގުޅިގެން ހަދާފައިވާ ދިރާސާއަކުން ދައްކާ ގޮތުން ކޮވިޑް-19 ޖެހޭ މީހުން ބަލިން ފަސޭހަވާން އެންމެ މަދުވެގެންވެސް ދެ ހަފްތާގެ މުއްދަތު ނަގަ އެވެ.
