އަދަބީ އެކި ހުނަރުތައް ދަސްކޮށްދޭ އޮންލައިން ކުލާހުގައި ބައިވެރިވުމަށް 1000ށް ވުރެ މީހުން ނަން ހުށަހަޅައިފި
13 މެއި 2020 | ބުދަ 13:13ބައިވެރިވި އެންމެނަށް ފުރުސަތު ލިބޭނެ
އެކަޑަމީގެ ރައީސް އަޝްރަފް އަލީ، ލޮކްޑައުން އާއި ގުޅިގެން އަދަބިއްޔާތާ ގުޅޭ ގިނަ ކޯސްތަކެއް ހިންގަން ނިންމާފައިވޭ
އަދަބީ އެކި ހުނަރުތައް ދަސްކޮށްދޭ އޮންލައިން ކުލާހުގައި ބައިވެރިވުމަށް 1000ށް ވުރެ މީހުން ނަން ހުށަހަޅައިފިއެވެ.
ދިވެހި ބަހުގެ އެކަޑަމީން ބުނީ އަދަބީ އެކި ހުނަރުތައް ދަސްކޮށްދޭން ހުޅުވި ފުރުސަތުތަކުގެ ސުންގަޑިތައް ހަމަވީ އިރު 1171 މީހަކު ބައިވެރިވެފައިވާ ކަމަށެވެ.
އެއީ ވާހަކަދެއްކުމުގެ ކޯހުގައި 478 މީހުން، ނާވިލު ކޯހުގައި 230 މީހުން އަދި ޅެން ހެދުމުގައި 463 މީހުން ނަން ހުށަހަޅާފައިވާ ކަމަށެވެ.
އެކަޑަމީން ބުނީ ކޯހުގައި ބައިވެރިވުމަށް ނަން ހުށަހެޅި ހުރިހާ އެންމެނަށް އެފުރުސަތު ލިބިގެންދާނެ ކަމަށެވެ.
ދިވެހިބަހުގެ އެކަޑަމީން ކުރިއަށް ގެންދާ މިކޯސްތަކަކީ ކޮވިޑް-19ގެ ފުރަބަންދުގައި ގޭގައި ތިބެގެން ދިވެހި އަދަބީ ހުނަރުތައް ދަސްކޮށް ދިނުމަށް ކުރިއަށް ގެންދާ ކޯސްތަކެކެވެ.
އޮންލައިންގެ ޒަރީއާއިން ކުރިއަށް ގެންދާ މިކޯސްތަކަކީ ހިލޭ ކުރިއަށް ގެންދާ ކޯސްތަކެކެވެ.
