ރައުދާގެ މަރާ ގުޅިގެން އެކި ގޮތްގޮތަށް ޚަބަރު ފަތުރަމުންދާތީ ތަހުގީގަށް ހުރަސް އެޅޭ: ފުލުހުން
ރާއްޖޭގެ ފުލުހުން މި ތަޙްޤީޤުގައި ބައިވެރިވާ ކަން އެނގިފައެއް ނުވޭ
މޮޑެލް ރައުދާ އާތިފު
ބަންގުލަދޭޝްގައި ދަންޖެހިގެން މަރުވި ކަމަށް ބުނާ ދިވެހި މޮޑެލް ރައުދާ އާތިފުގެ މަރާ ގުޅިގެން އެކި ގޮތްގޮތަށް ޚަބަރު ފަތުރަމުންދާތީ ތަހުގީގަށް ހުރަސް އެޅޭ ކަމަށް ފުލުހުން ބުނެފި އެވެ.
ފުލުހުންގެ ރަސްމީ ޓްވިޓާ އެކައުންޓުންކޮށްފައިވާ ޓްވީޓެއްގައި ބުނެފައި ވަނީ ދިވެހި މީޑިއާތަކުން އެކި ގޮތް ގޮތަށް ޚަބަރުތައް ނުފަތުރަން އިލްތިމާސްކުރާ ކަމަށެވެ. އަދި އެކަން އެގޮތަށް ނުކުރަން ތަކުރާރުކޮށް އިލްތިމާސް ކުރާ ކަމަށް ފުލުހުން ބުނެފައި ވެއެވެ.
ރައުދާގެ މަރުގެ ތަހުގީގު ކުރަމުން ގެންދަނީ ބަންގުލަދޭޝްގެ ރާޖުޝާހީ މެޓްރޮޕޮލިޓަންގެ ޑިޓެކްޓިވް ބްރާންޗުންނެވެ.
ރައުދާގެ މަރާ ގުޅިގެން ދިވެހި ފުލުހުންގެ ސީނިއަ ދެ އޮފިސަރަކު ވެސް ވަނީ ބަންގުލަދޭޝް އަށް ގޮސްފައެވެ. މިދިޔަ މާޗް މަހުގެ 29 ވަނަ ދުވަހު ބަންގްލަދޭޝްގައި މަރުވި ރައުދާ އާތިފް މަރުވެފައި އޮތް ވީޑިއޯއެއް ބަންގްލަދޭޝްގެ "71 ބަންގްލަ ޓީވީ" އިން އާންމު ކޮށްފިއެވެ.
މި ވީޑިއޯ ބަންގްލަދޭޝްގެ ފުލުހުން އާންމުކޮށްފައި ވަނީ ރައުދާގެ މަރުގެ މައްސަލާގައި އެތަކެއް ސުވާލު އުފެދެމުންދާ ދަނޑިވަޅެއްގައެވެ.
ބަންގްލާ ޓީވީން ވަނީ ޔޫޓިއުބްގައި ވެސް އެ ވީޑިއޯ އާންމުކޮށްފައެވެ.
