ކަރަންޓީން ފެސިލިޓީއެއްގެ ކޮމާންޑަރަކަށް ފުރަތަމަ ފަހަރަށް އަންހެން ކަނބަލެއް

ރާއްޖޭގައި ޤާއިމު ކުރެވިފައިވާ ކަރަންޓީން ފެސިލިޓީއެއްގެ ކޮމާންޑަރަކަށް ފުރަތަމަ ފަހަރަށް އަންހެން ކަނބަލެއް ހަމަޖައްސަވައިފިއެވެ.

އެކަމާ ގުޅޭގޮތުން މޯލްޑިވްސް ނޭޝަނަލް ޑިފެންސް ފޯރސް (އެމްއެންޑީއެފް)އިން ބުނީ، ފުށިފަރު ކަރަންޓީން ފެސިލިޓީގެ ކޮމާންޑަރަކަށް އެމްއެންޑީއެފްގެ އޮފިސަރ ކެޕްޓަން ހަނާ މުޙައްމަދު ހަމަޖައްސަވާފައިވާ ކަމަށެވެ.

އެގޮތުން މިއީ ރާއްޖޭގެ ކަރަންޓީން ފެސިލިޓީއަކަށް ފުރަތަމަ ފަހަރަށް އަންހެން އޮފިސަރަކު ހަމަޖެހިގެންދިޔަ ފަހަރުކަމަށް އެމްއެންޑީއެފުން ބުނެއެވެ. އަދި މިއީ އެމްއެންޑީއެފްގެ މަސައްކަތްތައް މިންތީގެ ހަމަހަމަކަމާއެކު ކުރިއަށް ގެންދިއުމަށް ކުރެވޭ މަސައްކަތެއްކަން އެމްއެންޑީއެފުން ފާހަގަ ކުރެއެވެ.

ރާއްޖޭގައި މިވަގުތު ގިނަ ކަރަންޓީން ފެސިލިޓީތަކާއި އައިސޮލޭޝަން ފެސިލިޓީތައް ޤާއިމު ކުރެވިފައި ވާއިރު، އެތަންތަނުގެ ކަންކަން ހިނގާ ގޮތް މެނޭޖުކޮށް ބެލެހެއްޓުމަށް ކޮންމެ ފެސިލިޓީއެއްގައި ވެސް އެމްއެންޑީއެފްގެ ކޮމާންޑަރެއް ހުރެއެވެ.

ރާއްޖޭގައި ޤާއިމު ކުރެވިފައިވާ ކަރަންޓީން ފެސިލިޓީތަކުގެ މަސައްކަތްތަކާއި އޮޕަރޭޝަންސްތައް މޮނިޓަރ ކުރުމުގައި ވެސް އެމްއެންޑީއެފުން އިސް ރޯލެއް އަދާ ކުރެއެވެ.