ވެމްކޯއިން ނެގި 18 ރެންޑަމް ސާމްޕަލް ނެގެޓިވް
ބިދޭސީންގެ ސާމްޕަލްވެސް ވަނީ ނަގާފައި
ވެމްކޯގެ މުވައްޒަފުންތަކެއް ކުނި ނެގުމުގައި ހަރަކާތްތެރި ވަނީ
މާލެ މަގުމަތި ސާފުކުރަން އުޅޭ ވޭސްޓް މެނޭޖްމެންޓު ކޯޕަރޭޝަން (ވެމްކޯ) ގެ މުވައްޒަފުންގެ ތެރެއިން ނެގި 18 ރެންޑަމް ސާމްޕަލް ނެގެޓިވް ވެއްޖެ އެވެ.
ރާއްޖެ.އެމްވީއާ ވާހަކަ ދައްކަވަމުން ވެމްކޯގެ މެނޭޖިން ޑިރެކްޓަރ އާދަމް މުހައްމަދު (އެޑަމް) ވިދާޅުވީ، ސާމްޕަލްތައް ނަގާފައިވަނީ މާލޭގެ އިތުރުން ގުޅީފަޅުގައި މަސައްކަތްކުރާ އެ ކުންފުނީގެ މުވައްޒަފުންގެ ކަމަށެވެ. އެއީ ބަންގްލަދޭޝްގެ ހަ މިހާކާއި ދިވެހިންގެ 12 މީހުންނެވެ.
ވެމްކޯގެ ހެޑް އޮފީހުގައި މަސައްކަތް ކުރަމުންދާ މުވައްޒަފަކު މީގެ ކުރިން ވަނީ ކޮވިޑް-19 އަށް ޕޮޒިޓިވެވްފައެވެ. އެޑަމް ވިދާޅުވީ، އެ މުވައްޒަފާއި ކޮންޓެކްޓް ވެފައިވަނީ ފަސް މުވައްޒަފުން ކަމަށެވެ.
ކޮންޓެކްްވި މީހުންގެ ކޮންޓެކްޓް ޓްރޭސިން ހެދުމުގެ މަސައްކަތް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ދަނީ ކުރަމުންނެވެ. ވެމްކޯގެ އެމްޑީ ވިދާޅުވީ، އެއްވެސް މުވައްޒަފެއްގެ ފަރާތުން ކޮވިޑް-19 އަށް ޝައްކު ކުރެވޭ އަލާމާތެއް ފެނިއްޖެނަމަ ޑިއުޓީއަށް ނުނިކުމެ ގޭގައި ތިބެން އަންގަމުންދާ ކަމަށެވެ.
