އެޕްލިކޭޝަން މެދުވެރިކޮށް ފެން މީޓަރު ރީޑިން ފޮނުވޭނެ އިންތިޒާމު ހަމަޖައްސައިފި
12 މެއި 2020 | އަންގާރަ 12:37ކަސްޓަމަރުންނަށް ލުއި ފަސޭހަވާނެ ގޮތަށް ކަންކަން ހަމަޖެއްސުމުގެ މަސައްކަތް ކުރަން
ކޮވިޑް-19އާ ގުޅިގެން ޚާއްސަ އުސޫލެއްގެ ދަށުން އެމްޑަބްލިއުއެސްސީން ވެސް ދަނީ މަސައްކަތް ކުރަމުން
އެޕްލިކޭޝަން މެދުވެރިކޮށް ފެން މީޓަރު ރީޑިން ފޮނުވޭނެ އިންތިޒާމު ހަމަޖައްސާފައިވާ ކަމަށް މޯލްޑިވްސް ވޯޓަރ އެންޑް ސެވަރޭޖް ކޮމްޕެނީ ލިމިޓެޑް (އެމްޑަބްލިއުއެސްސީ)ން ބުނެފިއެވެ.
އެޕްލިކޭޝަން މެދުވެރިކޮށް ފެން މީޓަރު ރީޑިން ފޮނުވޭނެ އިންތިޒާމު ހަމަޖައްސާފައި ވާއިރު މިގެ ކުރިން އެމްޑަބްލިއުއެސްސީން އެދިފައި ވަނީ ވެބްސައިޓު މެދުވެރިކޮށް މީޓަރުގެ ފޮޓޮއެއް ފޮނުވުމަށެވެ.
އެމްޑަބްލިއުއެސްސީން ބުނީ ކަސްޓަމަރުންނަށް ލުއި ފަސޭހަވާނެ ގޮތަށް ކަންކަން ހަމަޖައްސަމުންދާ ކަމަށެވެ. އެގޮތުން މިހާރު ފަސޭހަކަމާއެކު މީޓަރު ރީޑިން ފޮނުވޭނެ އިންތިޒާމު އެމްޑަބްލިއުއެސްސީގެ އެޕްއިން ހަމަޖެހިފައިވާ ކަމަށެވެ.
އެމްޑަބްލިއުއެސްސީން ބުނީ އެޕްލިކޭޝަން މެދުވެރިކޮށް ކަސްޓަމަރުންގެ ފޯނަށް ނޮޓިފިކޭޝަނެއް ފޮނުވުމުން މީޓަރު ނަންބަރު އެނގޭގޮތަށް، މީޓަރު ރީޑިންގެ ފޮޓޮއެއް ފޮނުވުމަށް އެދޭ ކަމަށެވެ. އަދި މީޓަރުގެ ފޮޓޯ ނަގަން ޚާއްޞަ އޮޕްޝަނެއް ހިމަނާފައި ވެއެވެ.
ނަންބަރުތައް އެނގޭނެހެން ސާފުކޮށް ފޮޓޯ ނަގަން އެމްޑަބްލިއުއެސްސީން އިލްތިމާސްކޮށްފައި ވެއެވެ. އަދި އެމްޑަބްލިއުއެސްސީން ވަނީ މިހާލަތުގައި އެންމެހައި ފަރާތްތަކުގެ ފުރިހަމަ އެއްބާރުލުން ބޭނުންވާ ކަމަށް ބުނެފައެވެ.
ކޮވިޑް-19އާ ގުޅިގެން މާލެ ސިޓީގައި މީޓަރު ރީޑިން ނަގަން ދިޔުމާއި ބިލު ޙާވާލު ކުރުން ވަނީ މެދުކަނޑާލާފަ އެވެ. މުވައްޒަފުންގެ ސަލާމަތާ ޚާއްޞަ ރައްކާތެރިކަމެއް ދެވިގެން ޚާއްޞަ އުޞޫލަކުން މަސައްކަތްތައް ކުރިއަށްދާ ކަމަށް އެމްޑަބްލިއުއެސްސީން ބުނެއެވެ.
