އިތުރު 35 މީހަކު ކޮވިޑް-19 އަށް ޕޮޒިޓިވްވެއްޖެ އެވެ.

މިކަން ހާމަކޮށް އެޗްޕީއޭއިން ކޮށްފައިވާ ޓުވީޓެއްގައި ބުނެފައިވަނީ، އަންގާރަ ދުވަހުގެ ދަންވަރު 3 އާއި ހަމަޔަށް އިތުރު 35 ކޭސްފެނިފައިވާކަމަށެވެ. އޭގެތެރޭގައި ބަންގްލަދޭޝްއަށް ނިސްބަތްވާ 14 މީހުންނާއި 14 ދިވެހިންގެ އިތުރުން އިންޑިއާއަށް ނިސްބަތްވާ 7 މީހަކު ހިމެނޭކަމަށެވެ. އެއާއެކު ރާއްޖެއިން ފެނުނު ޕޮޒިޓިވް ކޭސްތަކުގެ ޖުމުލަ ޢަދަދު ވަނީ 897ށް އަރާފަ އެވެ.

މިހާރު ފެނިފައިވާ ކޭސްތަކުގެ ތެރޭގައި، އެއްވެސް ކްލަސްޓަރއަަކަށް ނިސްބަތްނުވާ (އިންޑިޕެންޑެންޓް) ކޭސްތަކުގެ އަދަދު ވަނީ ސަތޭކައަށް ވުރެ އިތުރުވެފަ އެވެ.

އެންއީއޯސީގައި ބޭއްވި ނޫސްވެރިންގެ ބައްދަލުވުމުގައި އެޗްޕީއޭގެ އެޕިޑަމޮލޮޖިސްޓް ޑރ. އިބްރާހިމް އަފްޒަލް ހިއްސާކުރެއްވި މައުލޫމާތަށް ބަލާއިރު، މިހާރު ފެންނަ ކޭސްތަކުގެ ތެރެއިން ބަލީގެ އަލާމާތް ހުންނަ ކޭސްތަކުގެ އަދަދު ވަނީ 484ށް އަރާފަ އެވެ. މިއީ ޖުމްލަ ކޭސްތަކުގެ ތެރެއިން 57 އިންސައްތަ އެވެ.