ތެލުގެ ވިޔަފާރިކުރަން ނޭކުރެންދޫ ބަނދަރު ސަރަހައްދުން ބިން ދޫކުރަނީ
11 މެއި 2020 | ހޯމަ 10:492000 އަކަފޫޓުގެ 2 ބިން ކުއްޔަށް ދޫކުރުމަށް ވަނީ ނިންމާފަ
ހދ. ނޭކުރެއްދޫ ބަނދަރު ސަރަހައްދުން ދެބިން ދޫކުރުމަށް ނިންމާފައިވޭ
ތެޔޮ ވިއްކުމުގެ ވިޔަފާރިކުރުމަށް ހދ. ނޭކުރެންދޫ ބަނދަރު ޞަރަޙައްދުން ބިން ދޫކުރަން ނިންމައިިފިއެވެ.
ނޭކުރެންދޫ ކައުންސިލުން ބުނީ ބަނދަރު ޞަރަޙައްދުން، ތެޔޮ ވިއްކުމުގެ ވިޔަފާރި ކުރުމަށް 2000 އަކަފޫޓްގެ 2 ބިން ކުއްޔަށް ދޫކުރުމަށް ނިންމާފައިވާތީ ބިން ހޯދަން ބޭނުންވާ ފަރާތްތަކުން ޕްރޮޕޯސަލް ހުށަހެޅުމުގެ ފުރުޞަތު މިހާރު ހުޅުވާލާފައިވާ ކަމަށެވެ.
ކައުންސިލުން ބުނީ ޕްރޮޕޯސަލް ހުށަހެޅުމަށް ޝައުގުވެރިވާ ފަރާތްތަކުން، މެއިމަހުގެ 17 ވާ އާދިއްތަ ދުވަހުގެ 13:30ށް އެ އިދާރާ އިން މަޢުލޫމާތު ސާފުކުރުމަށް ފަހު، މެއި މަހުގެ 21 ވާ ބުރާސްފަތި ދުވަހުގެ 13:00ށް ޕްރޮޕޯސަލް ހުށަހެޅުމަށް އެދޭ ކަމަށެވެ.
މަޢުލޫމާތު ސާފުކުރަން ކައުންސިލަށް ޒިޔާރަތް ނުކުރާ ފަރާތްތަކުގެ ޕްރޮޕޯސަލް ބަލައި ނުގަންނާނެކަމަށެވެ. އަދި މި މަސައްކަތަށް ޕްރޮޕޯސަލް ހުށަހެޅޭނީ ވިޔަފާރި ރަޖިސްޓްރީކުރުމުގެ ޤާނޫނުގެ ދަށުން ރަޖިސްޓަރީވެފައިވާ ކުންފުނިތަކަށާއި އަމިއްލަ ފަރުދުންގެ ވިޔަފާރީގެ ދަށުން ރަޖިސްޓަރީވެފައިވާ ފަރާތްތަކަށް ކަމަށް ކައުންސިލުން ބުނެއެވެ.
ޕްރޮޕޯސަލް ހުށަހެޅުމަށް ބަދަލުގައި މީހަކު ފޮނުވާނަމަ ޕްރޮޕޯސަލް ހުށަހެޅުމަށް ބޭނުންވާ ފަރާތުގެ ސިޓީއެއް ހުށަހަޅަން ޖެހޭ ކަމަށް ކައުންސިލުން ބުނެފައިވެއެވެ. ކައުންސިލުން ބުނީ މި ސިޓީގައި ބަދަލުގައި ހާޒިރުވާ މީހާގެ ނަމާއި އެޑްރެސް އަދި ދިވެހި ރައްޔިތެއްކަން އަންގައިދޭ ކާޑުގެ ނަންބަރު ލިޔެފައި އޮންނަން ވާނެ ކަމަށެވެ.
އިތުރު މަޢުލޫމާތު ބޭނުންވާނަމަ ކައުންސިލްގެ ނަންބަރު 6520042ށް ގުޅުމަށް ކައުންސިލުން އެދިފައިވެއެވެ.
