ޝިލްޕާ ދަރިއަކު ހޯދަން ސަރޮގޭސީ އެއް ބޭނުންކުރީ ކީއްވެކަން ހާމަކޮށްފި
11 މެއި 2020 | ހޯމަ 09:34ޝިޕްލާއަށް ސަރޮގޭސީއެއް މެދުކޮށް އަންހެން ދަރިއަކު ލިބިފައިވަނީ ފެބްރުއަރީގައި
ޝިލްޕާ ޝެޓީ އޭނާގެ އާއިލާއާއި އެކު
ބޮލީވުޑް އެކްޓަރ ޝިލްޕާ ޝެޓީ ވަނީ މިއަހަރުގެ ކުރީކޮޅު "ސަރޮގޭޓް" މެދުވެރިކޮށް ދަރިއަކު ހޯދާފައެވެ.
ޝިލްޕާ އާއި ރާޖް ކުންދްރާގެ ފިރިހެން ދަރިފުޅު ވިއާން ރާޖް ވިހެއީ ޝިލްޕާ ނަމަވެސް އަންހެން ދަރިފުޅު ސަމީޝާއަކީ ހޯދާފައިވަނީ "ސަރޮގޭޓް" ކޮށްނެވެ.
ޕިންކް ވިލާ އަށް ދިން އިންޓަވިއުއެއްގައި ޝިލްޕާ ބުނެފައިވަނީ އޭނާ އަބަދުވެސް ވިއާން އަށް ކޮއްކޮއެއް ހޯދައިދޭން ބޭނުންވާ ކަމަށެވެ.
ޝިލްޕާ ބުނެފައިވަނީ އޭނާ އެތައް ފަހަރަކު ބަލިވެއިން ކަމަށާއި ނަމަވެސް އޭނާގެ ހަށިގަނޑުގެ ދިފާއީ ނިޒާމު އެކަމަށް ތަންނުދޭތީ ކޮންމެ ފަހަރަކު ބައިގެންދާ ކަމަށެވެ. މީގެ ކުރިން ދަރިއަކު "އެޑޮޕްޓް" ކުރަން މަސައްކަތް ކުރިކަމަށް ޝިލްޕާ ވަނީ ބުނެފައެވެ.
"އަހަރެން ބޭނުމެއް ނޫން ވިއާން އެކަނިހުރެ ބޮޑުވާކަށް. އަހަރެންގެ ޢާއިލާގައި ވެސް ދެ ކުދިން ތިބޭ. އަހަނަށް އިހުސާސް ކުރެވޭ ކޮއްކޮއެއް ހުރުމުގެ މުހިއްުމުކަން. އެވިސްމުނުގައި ކުއްޖަކު އެޑޮޕްޓް ކުރުމަށްވެސް ނިންމިން. ނަ،މަވެސް އެކަން އެގޮތަކަށް ނުހިނގި "ޝިލްޕާ ވަނީ ބުނެފައެވެ.
ދަރިފުޅު ސަމީޝާ ވެސް ލިބުނީ ތިން ފަހަރެއްގެ މަތިން މަސައްކަތް ކުރިފަހުން ކަމަށް ޝިލްޕާ ބުންޏެވެ. އަދި އޭނާ ލިބުނީ ދަރިއަކު ހޯދަން މަސައްކަތް ކުރާތާ ފަސް ވަނަ އަހަރުގައި ކަމަށެވެ.
މުމްބާއީ މިރަރއަށް މީގެ ކުރިން ޝިލްޕާ ދިން އިންޓަވިއު އެއްގައި ބުނެފައިވަނީ އެނާއަށް ފެބްރުއަރީ މަހު ދަރިއަކު ލިބޭނެ ކަމުގެ ޚަބަރު ލިބުނު އިރު، ދެ ފިލްމެއްގައި މަސައްކަތް ކުރަން ސޮއި ކޮށްފައި އޮތް ކަމަށެވެ. އެހެންކަމުން މަސައްކަތާއި ދުރުވެ ފެބްރުއަރީ މަސް އެއްކޮށް ދަރިފުޅަށްޓަކައި ހުސްކޮށް، ދަރިފުޅާއެކު އުފާވެރި ވަގުތު ހޭދަކުރި ކަމަށެވެ.
