ރާއްޖެ
މޮނިޓަރިންގ ހާލަތު އުވާލުން
ކާވިޔާ ބޯޓު އަދި މާއުނގޫދޫ އާންމު ހާލަތަށް ގެނެސްފި
އެ 2 ތަން މޮނިޓަރިންގ ގެ ޙާލަތު އިތުރަށް ދަމަހައްޓަންޖެހޭ ސަބަބެއް މިވަގުތަށް ނެތް
ދާނިޝް ނިޡާމް, ރާއްޖެ އެމްވީ | 10 މެއި 2020 | އާދީއްތަ 17:33
ކާވިޔާ ބޯޓު
ކާވިޔާ ބޯޓާއި ށ. މާއުނގޫދޫގައި އިއުލާންކޮށްފައިވާ މޮނީޓަރިންގ ހާލަތު އުވާލައިފިއެވެ.
މޮނީޓަރިންގ ހާލަތު އުވާލުމަށްފަހު އާންމު ހާލަތަށް ގެނެސްފައިވަނީ ކާވިޔާ ބޯޓާއި ށ. މާއުނގޫދޫއެވެ. ކާވިޔާ ބޯޓު މޮނިޓަރިންގ ހާލަތަށް ގެނެސްފައިވަނީ އޭޕްރީލް މަހުގެ 19 ވަނަ ދުވަހުއެވެ. އެ ބޯޓު މޮނީޓަރިންގ ހާލަތަށް ގެނެސްފައިވަނީ ބޯޓުން ދަތުރުކުރި ހއ. ތަކަންދޫ ތިން މީހަކު ކޮވިޑް-19 އަށް ޕޮޒިޓިވް ވުމާއި ގުޅިގެންނެވެ.
މި ރަށް އާންމު ހާލަތަށް ގެނުވުމާއިއެކު މާލެ ސިޓީ ހިމެނޭގޮތަށް މޮނީޓަރިންގ ހާލަތުގައި އޮތީ 6 ރަށެކެވެ. އަދި ކާވިޔާ ބޯޓު މޮނީޓަރިންގް ހާލަތުން ނެގުމާއިއެކު މިހާރު މޮނީޓަރިންގް ހާލަތުގައި ވަނީ ހަމައެކަނި އަމާޒު ބޯޓެވެ.
