ވިޔަފާރިއާ ގުޅުން ހުރި ބައެއް ހިދުމަތްތައް ދޭން އިކޮނޮމިކް މިނިސްޓްރީން ފަށައިފި
10 މެއި 2020 | އާދީއްތަ 07:26ހުކުރު އަދި ހޮނިހިރު ދުވަހު ހިދުމަތް ފޯރުކޮށް ނުދޭނެ
އިކޮނޮމިކް މިނިސްޓްރީ ހުންނަ ވެލާނާ ބިލްޑިންގ - ސަރުކާރުގެ ގިނަ އޮފީސްތަކެއް މި ބިލްޑިންގގައި ހުރޭ
ވިޔަފާރިއާ ގުޅުން ހުރި ބައެއް ހިދުމަތްތައް އިކޮނޮމިކް މިނިސްޓްރީން ފަށައިފިއެވެ.
އެ މިނިސްޓްރީން ގެޒެޓްކޮށްފައިވާ އިއުލާނެއްގައި ބުނެފައިވަނީ ވިޔަފާރިތަކަށް ފޯރުކޮށްދޭ ބައެއް ޚިދުމަތްތައް 10 މެއި ދުވަހު ފަށާފައިވާ ކަމަށެވެ.
އަދި ހުކުރު އަދި ހޮނިހިރު ދުވަސް ފިޔަވައި ކޮންމެ ދުވަހެއްގެ ހެނދުނު 10:00 އިން މެންދުރުފަހު 14:00 އަށް ފޯރުކޮށްދިނުމަށް މި ޚިދުމަތްތައް ފޯރުކޮށްދިނުމަށް ހަމަޖެހިފައިވާކަން ފާހަގަކޮށް އެ މިނިސްޓްރީން ބުނީ ވިޔަފާރިއާގުޅޭ ޚިދުމަތްތަކަށް އެދުމަށް ހުށަހެޅޭނީ، މި މިނިސްޓްރީގެ ބިޒްނަސް ޕޯޓަލްbusiness.egov.mvނުވަތަ އީމެއިލް އެޑްރެސްcompany@trade.gov.mvމެދުވެރިކޮށް ކަމަށެވެ.
އިކޮނޮމިކް މިނިސްޓްރީން ބުނީ ހުކުރު އަދި ހޮނިހިރު ދުވަސް ފިޔަވައި ކޮންމެ ދުވަހެއްގެ ހެނދުނު 10:00 އިން މެންދުރު 14:00 އަށް މިނިސްޓްރީގެ ލައިވް ޗެޓް އަދި ކޯލްސެންޓަރ 1691 މެދުވެރިކޮށް މަޢުލޫމާތު ފޯރުކޮށްދެވޭނެ ކަމަށެވެ. އަދި މި އިއުލާނާއި ގުޅިގެން އިތުރު މަޢުލޫމާތު ބޭނުންވާނަމަ1691@trade.gov.mvއަށް އީމެއިލް ކުރުމަށެވެ.
ކޮވިޑް-19 އާ ގުޅިގެން ސަރުކާރުގެ ގިނަ ކުންފުނިތައް ބަންދުކޮށްފައިވާއިރު ބައެއް ހިދުމަތްތައް ފޯރުކޮށްދެމުންދަނީ އޮންލައިންކޮށެވެ. އަދި އެ ކުންފުނިތަކުން ވެސް ރައްޔިތުންގެ ކިބައިން އެދެމުންދަނީ ހިދުމަތްތައް އޮންލައިންކޮށް ބޭނުން ކުރުމަށެވެ.
