ލޮކްޑައުންގެ މުއްދަތުގައި ސަލްމާންގެ ފާމް ހައުސްގައި ޖެކޮލިންއާއެކު ލަވައެއް ޝޫޓްކޮށްފި
ލަވަ ޝޫޓް ކުރަން ހަތަރު ދުވަސް ހޭދަވި
ލަވަ ޝޫޓް ކުރުމަށްފަހު ސަލްމާންހާން އާއި ޖެކޮލިން ފާމް ހައުސްގައި ދިން އިންޓަވިއުގެ ތެރެއިން
ލޮކްޑައުންގެ މުއްދަތުގައި ސަލްމާން ޚާންގެ ފާމް ހައުސްގައި ޖެކޮލިން ފެނާންޑޭޒްއާއެކު ލަވައެއް ޝޫޓްކޮށްފިއެވެ.
ޕަމްވެލްގައި ހުންނަ މި ފާމް ހައުސްގައި ލަވަ ޝޫޓްކޮށްފައިވަނީ އެންމެ ތިން މީހުން ބޭނުންކޮށްގެންނެވެ. ތެރޭ ބިނާ ނަމަކަށް ކިޔާ މި ލަވަ ޝޫޓް ކުރުމަށްފަހު ސަލްމާން ބުނެފައިވަނީ މިއީ މިހާތަނަށް އޭނާގެ އެންމެ ޚަރަދު ކުޑަ ޕްރޮޑަކްޝަން ކަމަށެވެ.
މި ލަވަ ޝޫޓް ކުރުމުގެ ތެރޭގައި ވަރަށް ގިނަ ކަންތައްތަކެއް ދަސްވިކަން ފާހަގަކޮށް ސަލްމާން ބުނީ ލަވަ އެއްކޮށް ޝޫޓްކޮށް ނިންމާފައިވަނީ ހަތަރު ދުވަހުން ކަމަށެވެ.
މި ލަވަ ޝޫޓް ކުރަން ފަސޭހަވި ނަމަވެސް ޓްރެކް އެޑިޓް ކުރުމުގައި އުނދަގޫތަކާއި ދިމާވި ކަމަށް ސަލްމާން ބުނެފައިވެއެވެ. އެގޮތުން ގިނަ މީހުން ވައިފައި ބޭނުން ކުރަމުން ދިޔުމުގެ ސަބަބުން އިންޓަރނެޓް ސްޕީޑް ދަށްވިކަން ފާހަގަކޮށް ސަލްމާން ބުނެފައިވަނީ ބައެއް ފައިލްތައް ޑައުންލޯޑް ކުރަން 24 ގަޑީއިރާއި 36 ގަޑީއިރުގެ ވަގުތެއް ހޭދަވި ކަމަށެވެ.
މި ލަވައިގެ ޓީޒަރ ސަލްމާން ޚާންގެ ޔޫޓިއުބް ޗެނަލްގައި ހިއްސާ ކުރުމަށް ވަނީ ހަމަޖެހިފައެވެ.
އިންޑިއާގައި ލޮކްޑައުންގެ މުއްދަތު އިޢުލާނުކޮށްފައިވަނީ މި މަހުގެ 17 ގެ ނިޔަލަށެވެ.
