ތަފާތު ޚަބަރު
ބޮލީވިޑް
ސަލްމާންގެ އައި ފައުންޑް ލަވް އެންމެން ބެލުމަށް އެދިއްޖެ
އެންމެންވެސް އެ ރޮމޭންޓިކް ލަވަ އެންޖޯއި ކުރުމަށް ވަނީ އެދިފަ
އަޒްލިފާ އަބްދުﷲ, ރާއްޖެ އެމްވީ | 16 ޖޫން 2018 | ހޮނިހިރު 11:55
ރޭސް 3 ގެ ފޯސްޓަރ
މިދިޔަ ހުކުރު ދުވަހު ރިލީޒް ކުރި " ރޭސް 3" ގައި ހިމެނޭ އައި ފައުންޑް ލަވް" ލަވަ ބެލުމަށް ބެލުންތެރިންގެ ކިބައިން ސަލްމާން އެދިއްޖެ އެވެ.
ސަލްމާންގެ އަމިއްލަ އަޑުން ކިޔާފައިވާ މި ލަވަ އޭނާގެ އިންސްޓަގްރާމްގައި ހޮނިހިރު ދުވަހު ޝެއާކޮށް އެންމެންވެސް އެ ރޮމޭންޓިކް ލަވަ އެންޖޯއި ކުރުމަށް ވަނީ އެދިފައެވެ.
މި ހިތްގައިމު ލޯބީގެ ލަވައިގައި ޖެކޮލިން ފެނާންޑޭޒް އާއި ސަލްމާންގެ ގުޅޭ ކެމިސްޓްރީ ދައްކުވައިދޭ އެވެ.
ވިޝާލް މިޝްރާ މިއުޒިކް ހަދާފައިވާ މި ލަވައިގެ މަންޒަރު މަންޒަރުތައް ނަގާފައިވަނީ ޖައްމޫ އަދި ކަޝްމީރު ގައެވެ.
"ރޭސް 3" ގައި ސަލްމާންގެ އިތުރުން ބޮބީ ޑިއޯލް އާއި ޖެކްލިން ފެނާންޑޭޒް އާއި ޑެއިޒީ ޝާހު، ސާޒިބް ސަލީމް އަދި އަނިލް ކަޕޫރް ފެނިގެން ދެއެވެ.
