ސީޕީ ހަމީދު 'ކޮންޕްރޮމައިޒް' ކޮށްގެން ފުލުހުންގެ މަސައްކަތުގެ މިސްރާބު އަނބުރައެއް ނުލެވޭނެ، އެއީ އިޚްލާސްތެރިއެއް: ރައީސް ނަޝީދު
9 މެއި 2020 | ހޮނިހިރު 14:51ސީޕީ އަކީ އިޚްލާސްތެރިއެއް ކަމަށް ވިދާޅުވި
ކޮމިޝަނަރ އޮފް ޕޮލިސް މުހައްމަދު ހަމީދު
ކޮމިޝަނަރ އޮފް ޕޮލިސް މުޙައްމަދު ޙަމީދު 'ކޮމްޕްރޮމައިޒް' ކޮށްގެން ފުލުހުންގެ މަސައްކަތުގެ މިޞްރާބު އަނބުރައި ނުލެވޭނެކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެ އެވެ.
ހޮނިހިރު ދުވަހު ރައީސް ނަޝީދު ކުރެއްވި ޓްވީޓެއްގައި ވިދާޅުވެފައި ވަނީ ސީޕީ ޙަމީދު ކޮންޕްރޮމައިޒް ކޮށްގެން ފުލުހުންގެ މަސައްކަތުގެ މިޞްރާބު ބަދަލުކޮށް، ވައްކަމާއި ކޮރަޕްޝަނާއި، ހައްދުފަހަނައެޅި މީހުން ރެކިތިބެ ސަރުކާރު ހިޞާރުކުރަން ޖާގައެއް ނުދެވޭނެކަމަށެވެ.
އަދި ސީޕީ ޙަމީދަކީ އިޚްލާޞްތެރި ޕޮލިސް ކޮމިޝަަނަރއެއް ކަމަށް ރައީސް ނަޝީދު ވަނީ ވިދާޅުވެފައެވެ.
ރައީސް ނަޝީދު މިހެން ވިދާޅުވެފައިވާއިރު ސީޕީ ޕާޓީއެއްގައި ހުންނަވާ ފޮޓޯތަކެެއް ސޯޝަލް މީޑިއާގައި ދަނީ ދައުރުވަމުންނެވެ. އަދި އެފޮޓޯތަކާއި ގުޅޭގޮތުން ތަފާތު ގޮތްގޮތަށް ސޯޝަލް މީޑިއާގައި ބައެއް ފަރާތްތަކުން ދަނީ ވާހަކަ ދައްކަމުންނެވެ.
