ސާރޭގާމާޕާގެ 25 ވަނަ އަހަރީ ހަފުލާ އޮންލައިންކޮށް

މިއުޒިކް ޝޯވ އެއް ކަމަށްވާ ސާރޭގާމާޕާގެ 25 ވަނަ އަހަރީ ހަފުލާ އޮންލައިންކޮށް ފާހަގަކުރަން ނިންމައިފިއެވެ.

ސާރޭގާމާޕާ ޝޯވއަށް 25 އަހަރު ފުރުން ފާހަނގަކޮށް 25 ގަޑީއިރަށް މިއުޒިކް މެރެތަން އެއްގޮތަށް މި ހަފުލާ ކުރިއަށް ގެންދިއުމަށްވަނީ ނިންމާފައެވެ.

މި ހަފުލާއިން ކޮވިޑް-19 ރިލީފް ފަންޑަށް އެހީތެރިވެދޭނެއެވެ. މި މިއުޒިކް މެރެތަން ފެށިގެންދާނީ މެއި މަހުގެ 23 ވަނަ ދުވަހުގައެވެ. 350ށް ވުރެ ގިނަ އައިޓަމް ލަވަކިޔުންތެރިން މި މިއުޒިކް މެރަތަންގައި ހުށަހަޅާނެއެވެ. އަދި 24 ވަނަ ދުވަހު އޮންނަ ސާރޭގާމާޕާ ކޮންސަޓްގައި އުދިތު ނާރަޔަން، ޝާން، ރިޗާ ޝަރްމާ، ހިމޭޝް ރޭޝަމްޔާ، ޖާވިދް އަލީ، ކަމާލް ޚާން، ވިޖޭ ޕްރަކާޝް އާއި ދިބޮޖިތް ގެ އައިޓަމްތައް ގޭގައި ތިބެގެން ހުށަހަޅައިދޭނެއެވެ.

މި ހަފުލާގައި ކުރީގެ އިންޑިއާ ކްރިކެޓް ޓީމްގެ ކެޕްޓަން ސޯރަވް ގަންގޫލީ ވެސް ބައިވެރިވާނެއެވެ. މި ހަފުލާ ފޭސްބުކް މެދުވެރިކޮށް ލައިވް ސްޓްރީމް ކުރާނެއެވެ. އަދި 24 ވަނަ ދުވަހު ހަފުލާގެ ތެރެއިން ގެނެސްދޭ ކޮންސެޓް ޒީ ޓިވީއާއި، އެހެން ބައެއް ޗެނަލްތަކުން ލައިވް ކުރާނެއެވެ.

މި ހަފުލާ ކުރިއަށްދާ ވަގުތުގައި ބެލުންތެރިންނަށް ލިންކެއް މެދުވެރިކޮށް "ގިވް އިންޑިއާ" ފަންޑަށް އެހީވެވޭނެއެވެ.