ރާއްޖެއިން އިތުރު ހަ މީހަކު ކޮވިޑް-19 އަށް ޕޮޒިޓިވްވެއްޖެއެވެ.

އަލަށް ފެނުނު ކޭސްތަކާއެކު ރާއްޖޭގައި ކޮވިޑް-19 ޖެހިފައިވާ މީހުންގެ އަދަދު ވަނީ 648ށް އަރާފަ އެވެ. އަލަށް ފެނުނު ހަ މީހުންގެ ތެރޭގައި ހިމެނެނީ ދެ ދެވިހިންނާއި، ބަންގްލަދޭޝްގެ ދެ މީހަކާއި އިންޑިއާގެ ދެ މީހެކެވެ.

ބުރާސްފަތި ދުވަހު އެކަނިވެސް ރާއްޖެއިން 30 ކޭސްއެއް ފެނިފައިވާއިރު، މިހާރު ނަތީޖާ ނުލިބި ހުރި ސާމްޕަލްތަކުގެ އަދަދަށް ބަލާއިރު މި އަދަދު އިތުރުވުމަކީ އެކަށީގެންވާ ކަމެކެވެ. ހެލްތް ޕްރޮޓެކްޝަން އެޖެންސީން އެންމެ ފަހުން އާންމުކޮށްފައިވާ ތަފާސްހިސާބަށް ބަލާއިރު، މި ވަގުތު ނަތީޖާ ނުލިބޭ 536 ސާމްޕަލެއް ވެއެވެ.

މިހާތަނަށް ރާއްޖޭއިން ފެނުން ޕޮޒިޓިވް ކޭސްތަކުގެ ތެރޭގައި ގިނައީ ބަންގްލަދޭޝައަށް ނިސްބަތްވާ ފަރާތްތަކެވެ. އޭގެ ތެރެއިން ގިނަ އަދަދެއްގެ މީހުންނަކީ ތޮއްޖެހިފައިވާ ގޭބިސީތަކުގައި ދިރިއުޅެމުން އައިސްފައިވާ ފަރާތްތަކެވެ.