އައިޖީއެމްއެޗްގައި އޮތް މާބަނޑު މީހަކު ކޮވިޑް-19 އަށް ޕޮޒިޓިވްވެއްޖެ
ޓެސްޓު ކޮށްފައިވަނީ ފަސް ދުވަސް ކުރިން
އައިޖީއެމްއެޗްގެ އިމަރމެޖެންސީ ފަޅިން އެމްބިއުލާންސެއް ނިކުންނަނީ
އިންދިރާގާންދީ މެމޯރިއަލް ހޮސްޕިޓަލް (އައިޖީއެމްއެޗް) ގައި އޮތް މާބަނޑު މީހަކު ކޮވިޑް-19 އަށް ޕޮޒިޓިވްވެއްޖެ އެވެ.
އައިޖީއެމްއެޗްގެ އިސް އޮފިޝަލަކު ވަނީ ރާއްޖެ.އެމްވީ އަށް އެކަން ކަށަވަރު ކޮށްދީފައެވެ. އޮފިޝަލް ވިދާޅުވީ، އެ އަންހެން މީހާގެ ސާމްޕަލް ނެގީ ރެންޑަމް ސާމްޕަލިންގެ ތެރެއިން ކަމަށާއި، އޭނާ ކޮވިޑް-19 އަށް ޕޮޒިޓިވްވެފައިވާ ކަމަށެވެ.
މަޢުލޫމާތު ލިބިފައިވާ ގޮތުގައި މާބަނޑު މީހާ ހޮސްޕިޓަލުގައި އެޑްމިޓް ކޮށްފައިވަނީ މީގެ ފަސް ދުވަސް ކުރިންނެވެ. އަދި އޭނާގެ ޓެސްޓުގެ ނަތީޖާ ލިބިފައިވަނީ ބުދަ ދުވަހުގެ ވަގުތެއްގައެވެ. އެމީހާ އަށް ފަރުވާ ދިނުމުގައި މަސައްކަތް ކުރާ ނަރުހުން ޓެސްޓު ކުރުމުގެ މަސައްކަތް ކުރަމުންދާ ކަމުގެ މަޢުލޫމާތު ވަނީ ލިބިފައެވެ.
މިކަމާއި ގުޅޭ އެއްވެސް މަޢުލޫމާތެއް ހެލްތު ޕްރޮޓެކްޝަން އޭޖެންސީ(އެޗްޕީއޭ)އިން އަދި މިހާތަނަށް ހާމަކޮށްފައެއް ނުވެއެވެ.
