ޕްރިންސް ހެރީ އާއި އަނބިކަނބަލުން މޭގަން މާކްލްގެ އަލަތު ފިރިހެން ދަރިކަލުން އަރޗީ ހެރިސަން މައުންޓްބަޓެން ވިންޑްސޯއަށް އުފަން ދުވަހުގެ ތަހުނިޔާ އިނގިރޭސި ވިލާތުގެ ރާނީ އެލިޒަބަތު ފޮނުއްވައިފިއެވެ.
ހެރީ އާއި މޭގަންއަށް އަލަތު ފިރިހެން ދަރިކަލުން ލިބިވަޑައިގެންނެވީ 06 މެއި 2019 ވަނަ އަހަރެވެ.
އަރޗީއަށް އެއްއަހަރު ފުރުމުގެ މުނާސަބަތުގައި ރަނީ އެލިޒަބަތު ތަހުނިޔާ ފޮނުއްވާފައިވާއިރު، ޕްރިންސް ވިލިއަމްގެ އަންހެނުން ކޭޓް މިޑްލްޓަން ވެސް އުފަން ދުވަހުގެ ތަހުނިޔާ ފޮނުއްވާފައި ވެއެވެ.
އަރޗީއަކީ އެލިޒަބަތުގެ 8 ވަނަ މާމަ ދަރިކަލުންނެވެ.
ހެރީ އާއި މޭގަން ވަނީ އެދެބޭފުޅުން ޝާހީ އާއިލާގައި އުފުއްލަވަމުން ގެންދެވި މަސްއޫލިއްޔަތުތަކުން ވަކިވެވަޑައިގެން ނޯތު އެމެރިކާ އާއި އިނގިރޭސިވިލާތުގައި އުޅުއްވާނެކަމަށް ވިދާޅުވެފައެވެ.
އެގޮތުން މިހާރު ދިރިއުޅުއްވަމުން ގެންދަވަނީ އެމެރިކާގައެވެ.
