އެޑެލްގެ ހަށިގަނޑަށް އައިސްފައިހުރި ބަދަލުން ފޭނުން ހައިރާންވެއްޖެ
6 މެއި 2020 | ބުދަ 13:09އުފަންދުވަހުގެ ތަހުނިޔާކީ އެންމެނަށް ވަނީ ޝުކުރު އަދާކޮށްފައި
ލަވަކިޔުންތެރިޔާ އެޑެލް
އިނގިރޭސި ލަވަލިޔުންތރިޔާ އެޑެލް ގެ 32 ވަނަ އުފަންދުވަސް އަންގާރަދުވަހު ވަނީ ފާހަގަކޮށްފައެވެ.
ކެލިފޯނިއާގައި ކޮވިޑް- 19 ފެތުރެމުންދިއުމާއި ގުޅިގެން އެޑެލް އޭނާގެ އުފަންދުވަސް ފާހަގަ ކޮށްފައިވަނީ ގޭގައެވެ. އެޑެލްއަށް ގިނަ ބަޔަކު އުފަންދުވަހުގެ ތަހުނިޔާ ކިޔާފައިވާއިރު އޭނާ ވަނީ އެންމެންނަށް ޝުކުރުއަދާކޮށްފައެވެ. ޝުކުރު އަދާކޮށް އިންސްޓަގްރާމްގައި ކޮށްފައިވާ ޕޯސްޓުން ފޭނުންނަށް ވަނީ ހައިރާންކަން ލިބިފައެވެ.
ފޭނުންނަށް ޝުކުރު އަދާކޮށް، ގިނަ ދުވަސްތަކަކަށްފަހު އެޑެލް އޭނާގެ އިންސްޓަގްރާމްގައި ވަނީ އުފަންދުވަހުގެ ފޮޓޯ ހިއްސާކޮށްފައެވެ. ފޮޓޯގައި އޭނާގެ ހަށިގަނޑަށް ވަނީ ބޮޑު ބަދަލެއް އައިސްފައެވެ. ކަޅުކުލައިގެ ގަޔަށް ބާރު ކުރު ހެދުމެއްގައި އޭނާ ހުރިއިރު ފޭނުންނަށް އޭނާ ވަކިކުރަން ވެސް ނޭނގޭ ވަރަށް ހަށިގަނޑު ވަނީ ލޫޅާފަތިވެފައެވެ.
އެޑެލްގެ މި ޕޯސްޓައި އުފަންދުވަހުގެ ތަހުނިޔާ ކީ އެންމެންނަށް ޝުކުރު އަދާކޮށް ރައްކާތެރިކަމަށް އެދިފައިވެއެވެ، މީގެ އިތުރުން އިސް ސަފުގައި މަސައްކަތް ކުރާ ޞިއްޙީ ޚިދުމަތްތެރިން ފުރާނަ އަތްމައްޗަށް ލައިގެން ކުރަމުން ގެންދާ މަސައްކަތަކަށް އޭނާ ވަނީ ޝުކުރު އަދާކޮށްފައެވެ.
"ހެލޯ" މި ލަވަ ކިޔަފައިވާ އެޑެލް އެފޮޓޯގައި އޭނާ ހުއްޓިގެން ހުރީ މާތަކެއް ޖަހާފައި ހުރި ރަން ކުލައިން ހަދާފައި ބަހައްޓާފައި ހުރި ސާރކަލް އެއްގެ ކައިރީގައެވެ.
