ރައްކާތެރިވުމަށް ބޭނުންވާ އާލާތްތަކާއި ބާވަތްތަކުން މިހާތަނަށް 9.6 މިލިއަން ރުފިޔާގެ ޑިއުޓީ މަޢާފުކޮށްދީފިން: ކަސްޓަމްސް
ފޭސް މާސްކަށް 3.4 މިލިއަން ވަނީ މަޢާފްކޮށްދީފައި
ކަސްޓަމްސް ބިލްޑިންގ
ޕްރޮޓެކްޓިވް އެކިއުޕްމެންޓް (ރައްކާތެރިވުމަށް ބޭނުންކުރާ އާލާތްތަކާއި، ބާވަތްތައް) މިއަހަރުގެ މިހާތަނަށް 9.6 މިލިއަން ރުފިޔާގެ ޑިއުޓީ މިހާތަނަށް މަޢާފުކޮށްދީފައިވާ ކަަމަށް މޯލްޑިވްސް ކަސްޓަމްސް ސަރވިސްއިން ބުނެފިއެވެ.
ކަސްޓަމްސްގެ ތަފާސް ހިސާބުތަކަށް ބަލާއިރު ޕްރޮޓެކްޓިވް އިކުއިޕްމަންޓުގެ ގޮތުގައި ބޭނުންކުރާ .ފޭސް މާސްކަށް 3.4 މިލިއަން، އަތްދޮންނަ ތަކެއްޗަށް 1.2 މިލިއަން އަދި އެހެނިހެން ޕްރޮޓެކްޓިވް އިކުއިޕްމަންޓަށް 4.9 މިލިއަން ޑިއުޓީ ވަނީ މަޢާފުކޮށްފައެވެ.
ޕްރޮޓެކްޓިވް އިކުއިޕްމަންޓް ނޫން ބާވަތްތަކަށް ބަލާއިރު އިޖްތިމާޢީ އަދި އިޤުތިޞާދީ ބޭނުންތަކަށް ޑިއުޓީ ވަނީ މަޢާފުކޮށްފައެވެ. އެގޮތުން ފާއިތުވި އަހަރަށް ބަލާއިރު 1.9 ބިލިއަން ރުފިޔާ ގެ ޑިއުޓީ މަޢާފުކޮށްދީފައިވެއެވެ. އޭގެތެރޭގައި ބޮޑުބައެއް ހިމެނެނީ އުމްރާނީ ތަރައްޤީގެ މަޝްރޫޢޫތަކާއި، ރިސޯޓް ތަަރައްޤީކުރުމުގެ މަޝްރޫޢުތަކަށް ގެނައި ތަކެއްޗެވެ.
ބުދަ ދުވަހު ނޭޝަނަލް އިމަރމަޖެންސީ އޮޕަރޭޝަން ސެންޓަރުގައި ބޭއްވި ނޫސްވެރިންގެ ބައްދަލުވުގައި ވާހަކަ ދައްކަވަމުން ކަސްޓަމްސްގެ ޑެޕިއުޓީ ކޮމިޝަނަރ ޢަބްދުﷲ ޝަރީފް ވިދާޅުވީ ކޮވިޑް-19 އާ ގުޅިގެން ބޭރުގެ އެކިއެކި ޖަމްޢިއްޔާ ޖަމާޢަތްތަކުން އެހީގެގޮތުގައި ޝިޕްމަންޓްސް ފޯރުކޮށްދެމުންދާ ކަމަށާއި، މި ޝޕްމަންޓްސްތައް ޢާންމުންނާއި ހަމައަށް ނުވަތަ ސަރުކާރުގެ ކަމާއި ބެހޭ މުއައްސަސާތަކަށް ފޯރުކޮށްދިނުމުގައި ކަސްޓަމްސްގެ ރޯލު ވަރަށް މުހިންމު ކަމަށެވެ. އެހެންކަމުން ވަރަށް ޚާއްޞަ ސަމާލުކަމެއް ދީގެން އެހީގެގޮތުގައި ގިނަ ޝިޕްމަންޓްސް ތަކެއް ކަސްޓަމްސް އިން ދޫކޮށްފައިވާ ކަމަށެވެ.
އަދި ކޮވިޑް -19 އާ ގުޅިގެން އިތުރު ބާވަތްތަކުން ޑިއުޓީ މަޢާފު ކުރުމުގެ މަޝްވަރާތައް މިނިސްޓްރީ އޮފް އިކޮނޮމިޑް ޑިވެލޮޕްމަންޓާއެކު ކުރަމުންދާކަމަށް އޭނާ ވިދާޅުވިއެވެ.
ޝަރީފް ވިދާޅުވީ މިއަހަރުގެ އެޕްރީލް މަހުގެ ނިޔަލަށް ކަސްޓަމްސްގެ އެކި ޕޯޓްތަކުން، ސީޕޯޓާއި އެއަރޕޯޓާއި އަދި އެކި ޞަރަޙައްދުތައް އެކުލެވޭ ގޮތަށް 60،000 އަށް ވުރެ ގިނަ "ގުޑްސް މިހާތަނަށް ނިންމާފައިވާ ކަަމަށެވެ. އަދި މިހާރުވެސް އެވްރެޖްކޮށް ދުވާލަކު 200 "ޑިކްލަރޭޝަން" ނިންމަމުންދާކަމަށް ވިދާޅުވިއެވެ. އަދި ކަސްޓަމްސްއަށް ހުށަހެޅޭ "ޑިކްލަރޭޝަން" ތައް ޕްރޮސެސްކޮށް މެނޭޖްކުރުމުގައި ރިސްކް މެނޭޖްމަންޓްގެ ބޭނުންކޮށްގެން ސްޕީޑް އަވަސްކޮށް "ޑިކްލަރޭޝަން" ގެ ބޮޑު ބައެއް ދުވަހުން ދުވަހަށް ނިންމަމުންދާކަން ވަނީ ފާހަގަ ކޮށްފައެވެ.
ޝަރީފް ވިދާޅުވީ މިހިނގާ މެއި މަހުގެ ދެވަނަ ދުވަހާއި ހަމައަށް 361 އުޅަނދެއް ރާއްޖެ އައިސް ކަސްޓަމްސްއިން "އިންވާރޑް ކްލިއަރެންސް" ދީފައިކަމަށާއި، 400 އުޅަނަދަކަށް "އައުޓްވާރޑް ކްލިއަރެންސް" ދިނުމަށްފަހު ރާއްޖެއިން ބޭރަށް ފުރުވާލާފައިވާ ކަމަށެވެ.
