ކޮވިޑް-19އަށް ބަންގްލަދޭޝް މީހަކު ޕޮޒިޓިވްވެ ޖުމުލަ އަދަދު 574 ށް
6 މެއި 2020 | ބުދަ 09:19ރާއްޖޭގައި މިހާތަނަށް ބަންގްލަދޭޝްގެ 290 މީހަކު ވަނީ ކޮވިޑް-19 އަށް ޕޮޒިޓިވްވެފައި
މާލޭގައި ސާމްޕަލް ނެގުމުގެ މަސައްކަތް ކުރަމުންދަނީ
ރާއްޖޭގައި އުޅޭ ބަންގްލަދޭޝް މީހަކު ކޮވިޑް-19 އަށް ޕޮޒިޓިވްވެ، ރާއްޖެއިން ވައިރަސްއަށް ޕޮޒިޓިވްވީމީހުންގެ ޖުމުލަ ޢަދަދު 574ށް އަރައިފި އެވެ.
މިމީހާއަކީ މީގެކުރިން ފެނިފައިވާ ކްލަސްޓަރ އަކާއި ގުޅުންހުރި މީހެއްކަމެއް ހެލްތު ޕްރޮޓެކްޝަން އޭޖެންސީ(އެޗްޕީއޭ)އިން ބުނެފައެއް ނުވެއެވެ.
ރާއްޖޭގައި މިހާތަނަށް ބަންގްލަދޭޝްގެ 290 މީހަކު ވަނީ ކޮވިޑް-19 އަށް ޕޮޒިޓިވްވެފަ އެވެ. އަދި ރާއްޖޭގައި ވައިރަސްއަށް ޕޮޒިޓިވްވީ ބިދޭސީންގެ ނިޞްބަތައް ބަލާއިރު އެންމެ ގިނައީ ބަންގްލަދޭޝްގެ ރައްުޔިތުންނެވެ.
ކޮވިޑް-19 މާލޭގައި ދިރިއުޅޭ ބިދޭސީންގެ ތެރޭގައި ފެތުރޭތީ އެމީހުންނަށް ޚާއްޞަކޮށްގެން ކަރަންޓީނު ފެސިލިޓީތައް ހުޅުމާލެ، ގުޅިފަޅު އަދި ވިލިވަރުގައި އަންނަނީ ހަދަމުންނެވެ.
