ޗީޒް ބްރެޑް

ޗީޒް ބްރެޑް ކަމުދޭތަ؟ މިއީ ހަދަން ފަސޭހަ، ގޭގައި ހުރި އެއްޗެހި ބޭނުންކޮށްގެން ތައްޔާރުކޮށްލެވިދާނެ ރެސިޕީއެއް.

އެންމެ ފުރަތަމަ ކިރުފޮދާއި، ފެން ތައްޓެއްގައި އެއްކޮށްލާށެވެ. އެއްވުމުން ހަކުރާއި ޔީސްޓް އެއްކޮށްލާފައި 5 މިނެޓުވަންދެން މަތި ޖަހާފައި ބަހަށްޓާށެވެ.

އެއަށްފަހު 5 ސައި ސަމުސާ ދިޔާ ކޮށްފައި ހުރި ބަޓަރު އަދި ބިސް އަޅާފައި އެއްކޮށްލާފައި ގަށާލާށެވެ. ދެން އެއްކޮށްލާނީ ލޮނާއި، ފުށެވެ. ފުށްގަނޑު 5 މިނެޓްވަންދެން ރަނގަޅަށް ގަށާލާށެވެ. ދެން ފުށްގަނޑު ވަށާލާފައި މަތިޖެހި ތައްޓެއްގެ ތެރޭގައި 2-1 ގަޑިއިރު ބަހައްޓާށެވެ.

1-2 ގަޑިއިރު ފަހުން ފުށްގަނޑު އިންނާނީ ސައިޒުން ޑަބަލް ވެފައެވެ. ދެން ފުށްގަނޑު ނަގައި، ދަމާލާފައި ގާނާފައިހުރި ޗީޒް އަދި ލޮނުމެދު އޭގެ މައްޗައް ބުރުވާލާފައި އޮޅާލާށެވެ.

ބޭނުމިއްޔާ ފުށްގަނޑު އެއްވަރުގެ ބޯޅަތަކަކަށް ކޮށާލާފައި މެދަށް ޗީޒް އަަޅާފައި ޓްރޭއެއްގައި އަތުރާލެވޭނެއެވެ. ފިހަން ލުމުގެ ކުރިން، މަތީގައި 1 ސައި ސަމުސާ ބަޓަރުގެ ތެރެޔަށް ޕާރސްލީ ފަތްކޮޅު އެއްކޮށްލާފައި ކާއްތާލާށެވެ.

މިފުށްގަނޑު ފިހެލާނީ 25-30 މިނެޓް ވަންދެން 170 ޑިގްރީސް ސެލްސިއަސްގައި އެވެ.