ކަރަންޓީނަށް ދާން ދެކޮޅުހެދި ދެ މީހެއްގެ މައްޗަށް ކޯޓު އަމުުރު ނެރެފި
5 މެއި 2020 | އަންގާރަ 23:44މީގެ ކުރިންވެސް ދެ މީހަކު ކަރަންޓީނު ކުރުމަށް ސިވިލް ކޯޓުން އަމުރު ނެރުނު
ކޮވިޑް-19 އާ ގުޅިގެން މާލެ ވަނީ ލޮކްޑައުން ކޮށްފައި
ކަރަންޓީން ފެސިލިޓީއަށް ދާން ދެކޮޅުހެދި ދެ މީހަކު ކަރަންޓީން ފެސިލީޓީއެއްގައި ބަންދުކުރުމުގެ އަމުރެއް ސިވިލް ކޯޓުން ނެރެފި އެވެ.
ރާއްޖެ.އެމްވީ އަށް މައުލޫމާތު ލިބިފައިވާ ގޮތުގައި ސިވިލް ކޯޓުން އަމުރު ނެރުނީ ދެ ދިވެހިންގެ މައްޗަށެވެ. ކަރަންޓީނަށް ގެންދަން ނެރޭ އެފަދަ އަމުރުތަކުގައި، ޒާތީ މައުލޫމާތު ސިއްރު ކުރުމުގެ ބޭނުމުގައި ސިވިލް ކޯޓުން އެ އަމުރުތައް އާންމު ނުކުރެ އެވެ.
ރާއްޖޭގައި އިއުލާނުކޮށްފައިވާ ސިއްހީ ކުއްލި ނުރައްކަލުގެ ހާލަތުގައި، ކަރަންޓީނަށް ދިއުމަށް ދެކޮޅުހެދި ދެ މީހެއްގެ މައްޗަށް މީގެ ކުރިން ވެސް ސިވިލް ކޯޓުން ވަނީ އަަމުރު ނެރެފަ އެވެ. މީގެ ކުރިން ސިިވިލް ކޯޓުން ވަނީ ސާމްޕަލް ދޭން ދެކޮޅު ހެދި މީހެއްގެ މައްޗަށް ވެސް ކޯޓު އަމުރު ނެރެފަ އެވެ.
ކަރަންޓީނަށް ދާން ދެކޮޅު ހެދުމަކީ އާންމު ސިއްހަތު ރައްކާތެރި ކުރުމުގެ ގާނޫނުގެ ދަށުން ކުށެކެވެ. އަދި ކަރަންޓީނަށް އެމީހަކު ގެންދިއުމުގެ ޢަމުރުތައް ނެރުމުގެ ބާރު ކޯޓުތަކަށް ލިބިގެންވެ އެވެ. އަދި މިފަދަ ޢާންމު ސިއްހަތުގެ ކުއްލި ނުރައްކަލުގެ ހާލަތުގައި ތެދު މައުލޫމާތު ހާމަކުރުމަކީ ހުރިހާ ފަރާތްތަކަށް ވެސް އެ ގާނޫނުން ލާޒިމުކުރާ ކަމެކެވެ.
