5 ދިވެހިންނާއި ބަނގްލަދޭޝް ރައްޔިތަކު ކޮވިޑް-19 އަށް ޕޮޒިޓިވްވެ، ޖުމުލަ އަދަދު 557ށް!
5 މެއި 2020 | އަންގާރަ 07:05ރާއްޖެއިން ވަނީ ކޮމިއުނިޓީ ސްޕްރެޑެއް ފެނިފައި
މާލެ ސަރަޙައްދުގައި ކޮވިޑް-19 ގެ ސާމްޕަލް ނެގުމުގެ މަސައްކަތް ކުރަނީ
ރާއްޖެއިން އިތުރު 6 މީހުން ކޮވިޑް-19 އަށް ޕޮޒިޓިވްވެއްޖެއެވެ.
އަންގާރަ ދުވަހު ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން ކުރި ޓްވީޓެއްގައި ބުނީ، ރާއްޖެއިން އިތުރު 6 މީހުން ކޮވިޑް-19އަށް ޕޮޒިޓިވްވެފައިވާ ކަމަށާއި، އޭގެ ތެރޭގައި ހިމެނެނީ 5 ދިވެހިންނާއި، ބަނގްލަދޭޝް ރައްޔިތެއް ކަމަށެވެ.
އެއާއެކު ރާއްޖެއިން ފެނުނު ޖުމުލަ ކޭސްތަކުގެ އަދަދު ވަނީ 557ށް އަރާފައެވެ.
މިދިޔަ އޭޕްރީލް މަހުގެ 15 ވަނަ ދުވަހު ރާއްޖެއިން ކޮވިޑް-19 ގެ ކޮމިއުނިޓީ ސްޕްރެޑެއް ފެނިފައިވާއިރު، އިތުރު ކްލަސްޓަރތަކެއް ފެނި، ޕޮޒިޓިވްވި މީހުންގެ ތެރޭގައި އެހެން ޤައުމުތަކަށް ނިސްބަތްވާ ގިނަ އަދަދެއްގެ ބަޔަކުވެސް ހިމެނެއެވެ. އެގޮތުން ބިދޭސީންގެ ތެރެއިން އެންމެ ގިނަ އަދަދެއްގެ ޕޮޒިޓިވް ކޭސްތައް އަދިވެސް ފެންނަމުންދަނީ ބަނގްލަދޭޝް ރައްޔިތުންގެ ތެރެއިންނެވެ.
