ދިވެހިރައްޔިތަކު ޓެރެރިސްޓަކަށްވާން ޖެހޭ ގޮތް ސަރުކާރުން ހާމަކޮށްދޭންޖެހޭ: ޑިއެޓްމަރ ކްރިސްލާ
26 ޖޫން 2017 | ހޯމަ 15:47ކައުންޓަރ ޓެރަރިޒަމް ކޮންފަރަންސެއް ރާއްޖޭގައި 2017 ވަނަ އަހަރުގެ ފަހުކޮޅު ބޭއްވާނެ
ޑިއެޓްމަރ ކްރިސްލާ
ރާއްޖެއިން ޓެރެރިސްޓުންގެ މާނަ ތަފްސީލުކުރަން ޖެހޭކަމަށާއި ރާއްޖޭގެ ރައްޔިތުންގެ ތެރެއިން ރައްޔިތަކު ޓެރަރިސްޓަކަށް ވާނީ ކިހިނެއްވުމުންކަން ދިވެހި ސަރުކާރުން ސާފުކޮށްދޭން ޖެހޭނެކަމަށް ޔޫރަޕިއަން ޔޫނިއަންގެ އެކްސްޓާނަލް އެކްޝަން ސަރވިސްގެ ޑެޕިއުޓީ ހެޑް ޑިއެޓްމަރ ކްރިސްލާ ވިދާޅުވެއްޖެއެވެ.
ހޯމަ ދުވަހު ބޭއްވި ޔުރަޕިއަން ޕާލިމަންޓް ކޮމެޓީގެ ބައްދަލުވުމުގައި ކްރިސްލާ ވިދާޅުވީ ދިވެހި ސަރުކާރުން ޓެރަރިސްޓުން މާނަކުރާ ގޮތާއި އެފަދަ ފަރާތްތަކުގައި ސަރުކާރުން ޤަބޫލުކުރާގޮތުގައި ހުންނަން ޖެހޭ ސިފަތައް ވަރަށް ސާފުކޮށް ބަޔަންކޮށްދޭންޖެހޭނެ ކަމަށެވެ. އަދި އެފަދަ މީހުންގެ ލިސްޓެއް ސަރުކާރުގެ ފަރާތުން އާންމުކުރަން ފެނިވަޑައިގަންނަވާ ކަމަށްވެސް ކްރިސްލާ ވިދާޅުވިއެވެ.
ކައުންޓަރ ޓެރަރިޒަމް ކޮންފަރަންސްއެއް ރާއްޖޭގައި 2017 ވަނަ އަހަރުގެ ފަހުކޮޅު ބޭއްވުމަށް ނިންމައިފައިވާ ކަމަށާއި އަދި ކޮންފަރަންސްގައި އީޔޫގެ ކައުންޓަރ ކޯޑިނޭޓަރ ބައިވެރިވެވަޑައިގަންނަވާނެ ކަމަށްވެސް ކްރިސްލާ ވިދާޅުވިއެވެ.
ދިވެހިރާއްޖޭން ޓެރަރިސްޓުންނަކީ ކޮބައިކަން ސާފުކުރުމަށް ކްރިސްލާ ގޮވާލާފައިވާއިރު ރައީސް ޔާމީންގެ ވެރިކަމުގައި ފާއިތުވި ދުވަސްތަކުގައި ވަނީ ސިޔާސީ އެތަކެއް ބޭފުޅުންނަށް ޓެރަރިޒަމްގެ ދައުވާ އުފުލާފައެވެ.
ޓެރަރިޒަމްގެ ދައުވާ އުފުލާފައިވާ ބައެއް ފަރާތްތަކަށް ބަލާއިރު ކުރީގެ ރައީސް މުހައްމަދު ނަޝީދާއި އަދާލަތު ޕާޓީގެ ރައީސް ޝައިޚް އިމްރާން ޢަބްދުﷲ އާއި ކުރީގެ ޑިފެންސް މިނިސްޓަރު މުހައްމަދު ނާޒިމް ހިމެނި ވަޑައިގަންނަވައެވެ. ނަމަވެސް މިބޭބޭފުޅުންގެ މައްޗަށް ހިންގުނު ޝަރީއަތަކީ ދުނިޔެއިން ގަބޫލު ކުރި ޝަރީއަތްތަކަށް ނުވިއެވެ.
