ކާޑު ބާވަތްތަކާއެކު 126 ބޯޓެއް މާލެ ސަރަހައްދުން ފުރާފައިވޭ
4 މެއި 2020 | ހޯމަ 18:45މާލޭގެ އެކި ސަރަހައްދުތަކަށް އަދި ރަށްތަކަށް ވެސް ކާޑުގެ ބާވަތްތައް ފޯރުކޮށްދީފައިވޭ
އެސްޓީއޯގެ ކާޑުގެ މާވަތްތަކެއް ޑެލިވަރީ ކުރަނީ
ކާޑުގެ ބާވަތްތަކާއެކު 126 ބޯޓެއް މާލެ ސަރަހައްދުން ފުރާފައިވާ ކަމަށް ސަރުކާރުން ބުނެފިއެވެ.
ހޯމަ ދުވަހުގެ ރޭ ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ކޮވިޑް-19 ގެ ޓާސްކް ފޯހުގެ ތަރުޖަމާނު މަބްރޫކް އަޒީޒު ވިދާޅުވީ ހޯމަ ދުވަހު 20 ފޫޓުގެ 36 ކޮންޓެއިނަރަކާއި 40 ފޫޓުގެ 21 ކޮންޓެއިނަރު ކްލިއަރ ކޮށްފައިވާ ކަމަށެވެ.
ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) ގެ ފަރާތުން ރަށްތަކަށް ކާޑުގެ ބާވަތްތައް ފޮނުވާފައިވާ ކަަމަށް ވެސް މަބްރޫކް ވިދާޅުވިއެވެ. އެގޮތުން ރަށްތަކުގެ ފިހާރަތަކަށް ނޫނީ އެޖެންޓުންނަށް 17804 ހަނޑޫ ބަސްތާއާ 11197 ބަސްތާ ފުށުގެ އިތުރުން 10904 ހަކުރު ފޯރުކޮށްދީފައިވާ ކަމަށް ވެސް ވިދާޅުވިއެވެ.
މީގެ އިތުރުން މާލޭގެ އެކި ސަރަހައްދުތަކަށް އެސްޓީއޯ ގެ ފަރާތުން ކާޑުގެ ގިނަ ބާވަތްތައް ފޯރުކޮށްދީފައިވާ ކަމަށެވެ. އެގޮތުން 6311 ހަނޑޫ ބަސްތާއާ 3501 ފުއް ބަސްތާގެ އިތުރުން 3103 ހަކުރު ބަސްތާ ފޯރުކޮށްދީފައިވާ ކަމަށް ވިދާޅުވިއެވެ.
އެސްޓީއޯ އިން ކާޑުގެ ގިނަ ބާވަތްތައް ފޯރުކޮށްދީފައިވާއިރު ހޮނިހިރު ދުވަހު އެސްޓީއޯގެ މުވައްޒަފަކު ޕޮޒިޓިވްވެގެން އެސްޓީއޯއިން ދެމުންއައި ހިދުމަތްތައް ވަނީ މެދުކަނޑާލާފައެވެ. އަދި ފިހާރަތަކާއި ގުދަން ޑިސްއިންފެކްޓް ކޮށް އާދީއްތަ ދުވަހު ވަނީ އަލުން ހިދުމަތް ދޭން ފަށާފައެވެ. އަދި އެސްޓީއޯގެ އީ ސްޓޯރގެ ހިދުމަތް ވެސް ވަނީ އަލުންދޭން ފަށާފައެވެ.
