ވެނިޒުއެލާއަށް ކަނޑުގެ މަގުން ވަންނަން އުޅުނު ޓެރަރިސްޓް ގުރޫޕެއް ހުއްޓުވައިފި
4 މެއި 2020 | ހޯމަ 13:318 މީހުން މަރާލާފައިވޭ
ވެނުޒުއެލާގެ އިންޓީރިއާ މިނިސްޓަރު ނެސްޓޯ ރެވަރޯލް
ވެނިޒުއެލާއަށް ކަނޑުގެ މަގުން ވަންނަން އުޅުނު ޓެރަރިސްޓް ގުރޫޕެއް ހުއްޓުވައިފިއެވެ.
އަލްޖަޒީރާގައި ރިޕޯޓުކޮށްފައިވާ ގޮތުގައި ވެނިޒުއެލާގެ ސިފައިން ވަނީ، ސްޕީޑް ލޯންޗުތަކެއްގައި ކޮލަންބިއާ ސަރަހައްދުން އައިސް ވެނިޒުއެލާއަށް ވަންނަން އުޅުނު ޓެރަސްރިސްޓުން ކަމަށް ބެލެވޭ ގުރޫޕެއް ހުއްޓުވައި، އެގުރޫޕްގެ 8 މީހުން މަރާލާފައިވާ ކަމަށެވެ. އާދިއްތަ ދުވަހު ވެނުޒުއެލާގެ ޕޯޓް ސިޓީ އޮފް ލަ-ގުއެރާގެ ބީޗަކަށް އެރުމަށް އެމީހުން ވަނީ މަސަައްކަތް ކޮށްފައެވެ.
މިހާދިސާއާ ގުޅޭ ގޮތުން އެގައުމުގެ އިންޓީރިއާ މިނިސްޓަރު ނެސްޓޯ ރެވަރޯލް ވިދާޅުވީ އެމީހުން މަސައްކަތް ކުރީ ވެނިޒުއެލާއަށް އަރައި ޓެރަރިސްޓު ހަމަލާތަކެއް ދިނުމަށްށެވެ. އަދި މިހަމަލާތަކުގައި ސަރުކާރުގެ އިސްވެރިތަކެއް މަރާލުމަށް ވެސް ނިންމާފައިވާ ކަމަށެވެ.
ވެނިއުޒެއަލަރ ސޯޝަލިޓް ޕާޓީގެ ލީޑަރު ޑިއޮސްޑާޑޯ ކަބެއްލޯ ވިދާޅުވީ ވެނިޒުއެލާގެ ސިފައިން މިގުރޫޕްގެ ތެރެއިން 8 މީހުން މަރާލާއި، ދެމީހަކު ހައްޔަރުކޮށްފައިވާ ކަމަށެވެ.
މިހާދިސާ ވެނިޒުއެލާގެ ސިފައިން ދަނީ އިތުރަށް ތަހުގީގު ކުރަމުންނެވެ.
